Knattspyrnufélagið FRAM

Fyrsta bikarmót vetrarsins í Taekwondo

viktoria-og-michelle-ad-keppa-i-sparring-a-paskamoti-fram-2016-003keppendur-i-fullordinsflokki-fra-fram-i-poomsae-003Fyrsta bikarmót vetrarins á vegum Taekwondosambands Íslands verður haldið fyrstu helgina í nóvember í íþróttahúsinu Varmá í Mosfellsbæ. Taekwondo deild Fram mun að sjálfsögðu taka þátt í þessu móti og gaman væri að fá sem flesta frá félaginu til að horfa á. Þetta er hefðbundið bikarmót þar sem keppt verður í öllum aldurs- og getu flokkum, bæði í sparring og poomsae. Sparring er bardagahluti íþróttarinnar þar sem keppendur berjast á móti hvor öðrum í viðeigandi hlífðarfatnaði og reyna að skora sem flest stig. Poomsae er tæknilegi hlutinn þar sem keppendur gera fyrirfram ákveðna æfingu sem endurspeglar vald á hreyfingum, kraft, liðleika og öryggi. Þessi tækniform miðast við beltagráðu og sigrar sá keppandi sem hlýtur hæstu samanlögðu einkunn fyrir nákvæmni og framkvæmd.

Hingað til hefur taekwondo deild Fram lagt megin áherslu á sparring en áherslan á poomsae hefur aukist undanfarið vegna vaxandi áhuga iðkenda. Félagið átti m.a keppendur í poomsae á öllum bikarmótum síðasta keppnistímabils og unnu þeir til verðlauna á þeim öllum. Á Íslandsmeistaramótinu í poomsae fyrr í þessum mánuði átti félagið tvo keppendur og nú hefur félagið eignast sinn fyrsta landsliðsmann í poomsae, Guðmund Pascaal Erlendsson, sem reyndar hefur einnig verið valinn í landsliðshópinn í sparring.

Deildin vonast eftir góðri þátttöku á komandi bikarmóti og er eitt megin markmiðið í vetur að fjölga enn frekar keppendum í tækni og skapa félaginu fastan sess á verlaunapalli í þessum hluta íþróttarinnar. Keppendur í sparring hafa yfirleitt átt góðu gengi að fagna á þessum mótum og er engin ástæða að ætla annað að þessu sinni.

Að lokum má geta þess að taekwondo er fyrir alla. Það er enginn of gamall eða í of lélegu formi til að byrja að æfa þessa hressandi og skemmtilegu íþrótt.
Æfingar eru í Ingunnarskóla á þriðjudögum, fimmtudögum og föstudögum kl. 18-20 og laugardögum kl. 12-13. Það er um að gera að mæta og prófa.

Taekvondodeild FRAM

Á döfinni

FRAMhús Fös. 19. maí | Álftanes 0 - 2
Afturelding/FRAM
2.deild Kvenna Bessastaðavöllur
Sun. 21. maí | Leiknir R. 2 - 2 FRAM
Inkasso-deild Karla Leiknisvöllur
Fös. 26. maí | kl. 19:15 | FRAM - ÍR
Inkasso-deild Karla Laugardalsvöllur
Fim. 1. júní | kl. 19:15 | Fjölnir -
Afturelding/FRAM
2.deild Kvenna Fjölnisvöllur
Lau. 3. júní| kl. 14:00 | Leiknir F. - FRAM
Inkasso-deild Karla Fjarðabyggðarhöllin
Mið. 7. júní | kl. 19:15 | Afturelding/FRAM -Augnablik
2.deild Kvenna Varmárvöllur
Fim. 8. júní | kl. 18:00 | FRAM - Þór
Inkasso-deild Karla Laugardalsvöllur
Sun. 11. júní | kl. 14:00 | Afturelding/FRAM - Fjarðab/Höttur/Leiknir F.
2.deild Kvenna Varmárvöllur

Samstarfsaðilar