Knattspyrnufélagið FRAM

Nýtt námskeið í Knattspyrnuakademíu FRAM

Nýtt námskeið hjá Knattspyrnuakademíu Fram fyrir iðkendur fædda 1998-2004 hefst í næstu viku. Námskeiðið stendur í níu vikur, 7. febrúar – 6. apríl. Skráning er hafin á https://fram.felog.is/ og takmarkast fjöldi þátttakenda við fjörtíu.
Knattspyrnuakademían er metnaðarfullt verkefni á vegum barna- og unglingaráðs knattspyrnudeildar Fram en þetta er annað árið sem hún er starfrækt. Markmið akademíunnar er að gera iðkendum grein fyrir hvað þarf til að ná árangri í afreksknattspyrnu, bæta færni þeirra og auka skilning þeirra á mikilvægi þátta sem styðja við knattspyrnuþjálfunina; svo sem næringarfræði og sálfræði.

Iðkendur í 2. – 4. flokki karla og kvenna og foreldrar þeirra eru hvattir til að kynna sér þetta spennandi verkefni.

Auglýsing (2)

Knattspyrnuæfingarnar verða tvo morgna í viku (þriðjudaga og fimmtudaga kl. 6:20-7:20) og fara þær fram við bestu aðstæður í Egilshöll undir stjórn Zeljko Óskars Sankovic og þjálfara frá knattspyrnudeild Fram.
Zeljko er margreyndur afreksþjálfari og starfar sem yfirþjálfari yngri flokka hjá Fram. Aðrir knattspyrnuþjálfarar verða Vigfús Geir Júlíusson, Leo Sankovic og Agnar Þór Hilmarsson sem allir hafa áralanga reynslu af þjálfun yngri flokka. Markmannsþjálfun verður í höndum Atla Gunnars Guðmundssonar markmannsþjálfara yngri flokka Fram.

Styrktaræfingar fara fram undir stjórn Ara Elbergs Guðlaugssonar styrktarþjálfara Fram. Iðkendur fá kennslu í grunnþáttum styrktarþjálfunar. Gerð verða liðleikapróf, líkamsstöðugreiningar, mælingar á jafnvægi og farið yfir meiðslafyrirbyggjandi æfingar og mikilvægi þeirra.

Jógekennsla verður í höndum Gróu Másdóttur jógakennara. Það skiptir ekki síður máli að liðka og teygja á líkamunum en að styrkja hann. Einnig er mikilvægt að geta andað rólega og meðvitað í amstri dagsins, sem og að slaka á. Í jógatímum Knattspyrnuakademíunnar verður lögð áhersla á þessi atriði með góðum og fjölbreyttum teygjum, öndunaræfingum og slökun.

Silja Úlfarsdóttir ÍAK einkaþjálfari og margreyndur þjálfari og afrekskona í frjálsum íþróttum sér um hlaupaþjálfun á námskeiðinu. Silja mun m.a. kenna iðkendum rétta hlaupatækni og setja upp æfingaprógram sem nýtist knattspyrnuiðkendum til að bæta sinn leik.

Agnes Þóra Árnadóttir M.sc. í íþróttanæringarfræði sér um næringarfræðiráðgjöfina. Markmiðið með henni er að iðkendur öðlist betri matarvitund og aukinn áhugi á að nota næringu til að bæta sig í knattspyrnu. Agnes kemur til með að halda einn fyrirlestur fyrir iðkendur auk þess sem þeir skila til hennar matardagbók tvisvar á tímabilinu. Markmiðið með matardagbókunum er að veita einstaklingsráðgjöf með eftirfylgni, til þess að þróa með sér enn betri matarvenjur.

Anna Sigurðardóttir sálfræðingur Cand. Psych. sér um sálfræðilhuta námskeiðsins. Anna hefur starfað víða um Evrópu við almenna heilsueflingu og ráðgjöf síðastliðin tuttugu ár sem einkaþjálfari, hóptímakennari og fyrirlesari. Hún hefur einnig mikla reynslu af því að vinna með sjálfstyrkingu, sjálfsöryggi, markmiðasetningu og frammistöðu einstaklinga í keppnisíþróttum.
„Hugarfar til árangurs og markmiðasetning“ er heiti fyrirlesturs sem stendur yfir í 50-60 mín og er fyrir yngri og eldri nemendur skólans, ásamt heimaverkefni um markmiðasetningu. Síðan verður boðið upp á hópráðgjöf í 20 mín (3-4 einstakl. í hóp) – þar sem farið verður yfir markmiðasetningu og hugarfar í litlum hópum svo hægt sé að veita þeim einstaklingsmiðaðri ráðgjöf.
Markmið fræðslunnar er að nemendur læri að temja sér uppbyggilegt hugarfar og setja sér raunhæf markmið. Skýr og raunhæf markmiðasetning bætir frammistöðu og eykur áhugahvöt. Einnig verður fræðsla um hvernig hægt er að tileinka sér jákvætt hugarfar til að takast á við krefjandi verkefni og öðlast meira sjálfstraust og öryggi. Fræðslan og heimaverkefnin gagnast nemendum vel hvort sem þau vilja ná betri árangri í fótbolta, námi eða almennt í lífinu.

Þjálfarar og sérfræðingar (2)

Námskeiðsgjald er kr. 32.000- og skráning er hafin á https://fram.felog.is/.

Nánari upplýsingar veitir Daði í síma 587-8800 eða dadi@fram.is.

Á döfinni

Fös. 30. júní | kl. 19:15 | Selfoss - FRAM
Inkasso-deild Karla Selfossvöllur
Fös. 30. júní | kl. 19:15 | Afturelding/FRAM - Grótta
2.deild Kvenna Varmárvöllur
Fim. 6. júlí | kl. 19:15 | FRAM - Keflavík
Inkasso-deild Karla Laugardalsvöllur
Þri. 11. júlí | kl. 19:15 | Þróttur - FRAM
Inkasso-deild Karla Þróttarvöllur
Lau. 15. júlí | kl. 14:00 | FRAM - HK
Inkasso-deild Karla Laugardalsvöllur
Lau. 15. júlí | kl. 14:00 | Völsungur - Afturelding/FRAM
2. deild Kvenna Húsavíkurvöllur

Samstarfsaðilar