Knattspyrnufélagið FRAM

FRAM OG REYKJAVÍKURBORG NÁ SAMAN UM UPPBYGGINGU Í ÚLFARSÁRDAL

Knattspyrnufélagið FRAM og Reykjavíkurborg hafa náð samkomulagi um uppbyggingu íþróttamannvirkja í Úlfarsárdal. Samkomulagið af hálfu FRAM er gert með fyrirvara um samþykki aðalfundar félagsins.  Með þessu lýkur ferli sem hófst árið 2004 og felur í sér að FRAM flytur höfuðstöðvar sínar í Úlfarsárdal og uppbygging íþróttamannvirkja félagsins þar hefjist fyrir alvöru.

Deilur milli FRAM og Reykjavíkurborgar síðustu ár snérust að mestu um að hverfið, sem upphaflega átti að vera 25.000 manna hverfi, var skorið niður í um 9.500 manna hverfi og aðstaða félagsins var takmörkuð að verulegu leyti frá fyrstu samningum.  Viðræður um lausn hafa staðið yfir um árabil en nú hafa samningsaðilar komist að niðurstöðu.  Í henni felst m.a. að í Úlfarsárdal verður byggt:

  • Fjölnota íþróttahús með áhorfendaaðstöðu, þar sem rúmast tveir handknattleiksvellir í fullri stærð
  • Áhorfendaaðstaða fyrir aðalleikvang í knattspyrnu, búningsklefar og minni íþróttasalir
  • Félags- og þjónustuaðstaða, samkomusalur, fundaraðstaða og fleira
  • Aðalleikvangur FRAM með gervigrasi, upphitun, flóðlýsingu, vökvunarkerfi og áhorfendastúku með þaki
  • Grasæfingavellir
  • Knatthús

Ljóst að er álíka aðstaða verður aldrei möguleg í Safamýri og það er trú samninganefndar að íbúafjöldi í Úlfarsárdal verði meiri en núverandi skipulag gerir ráð fyrir, enda er þetta eitt besta byggingasvæði á höfuðborgarsvæðinu.
FRAM hefur því miklar væntingar til þess að nú verði staðið við gerða samninga þannig að íbúar hverfisins, iðkendur og Knattspyrnufélagið FRAM geti starfað saman af krafti og metnaði að framtíðaruppbyggingu íþróttastarfs á svæðinu.

Uppbygging í Úlfarsárdal hefst nú þegar og verður að fullu lokið árið 2021.

Þetta hefur tekið miklu lengri tíma en við hefðum viljað, en FRAM varð að standa í lappirnar til að ná fram þeirri aðstöðu sem íbúar hverfisins og félagið eiga skilið. Loks er komin niðurstaða í þetta umdeilda og flókna mál og nú getum við hafist handa við að horfa til framtíðar,“ segir Guðmundur B. Ólafsson, formaður samninganefndar.

Samningurinn verður kynntur félagsmönnum FRAM og íbúum í Úlfarsárdal og Grafarholti og núverandi félagssvæði FRAM síðar í mánuðinum.

Nánari upplýsingar:

Guðmundur B. Ólafsson, form. samninganefndar í síma 893 0424

Lúðvík Þorgeirsson, framkvæmdastjóri FRAM í síma 893 2247

Aðalstjórn Knattspyrnufélagsins FRAM

Á döfinni

Mán. 18. sept. | Stjarnan 28 - 28 FRAM
Olísdeild Kvenna Mýrin
Mán. 18. sept. | Stjarnan 25 - 25 FRAM
Olísdeild Karla Mýrin
Lau. 23. sept. | kl. 13:30 | FRAM - Fjölnir
Olísdeild Kvenna FRAMhús
Lau. 23. sept. | kl. 14:00 | FRAM - Þróttur
Inkasso-deild Karla Laugardalsvöllur
Lau. 23. sept. | kl. 16:00 | FH - FRAM U
Grill 66 deild Kvenna Kaplakriki
Lau. 23. sept. | kl. 16:00 | Fjölnir U - FRAM U
2. deild Karla Dalhús
Mán. 25. sept. | kl. 19:30 | FRAM - Selfoss
Olísdeild Karla FRAMhús
Fim. 28. sept. | kl. 19:30 | FRAM - Afturelding
Olísdeild Karla FRAMhús
Fös. 29. sept. | kl. 20:00 | ÍR U - FRAM U
2. deild Karla Austurberg
Sun. 8. okt. | kl. 18:00 | FRAM U - HK
Grill 66 deild Kvenna FRAMhús

Samstarfsaðilar