Knattspyrnufélagið FRAM

Guðmundur Jónsson heiðursfélagi Fram er látinn

Guðmundur Jónsson, heiðursfélagi Knattspyrnufélagsins Fram, lést föstudaginn 23. júní 2017, 87 ára. Mummi, eins og Guðmundur var kallaður, fæddist 20. júní 1930, var fæddur og uppalinn Framari – var skrifaður inn í Fram 1932, tveggja ára, af föður sínum Jóni Guðjónssyni, sem starfaði lengi fyrir Fram og varð heiðursfélagi.

Guðmundur fór til Þýskalands í byrjun árs 1951 og var um tíma í knattspyrnuskóla þýska knattspyrnusambandsins í Koblenz. Hann var leikmaður meistaraflokks Fram þar til hann lagði skóna á hilluna vegna meiðsla í baki 1954.

Mummi, sem markaði djúp spor í sögu Fram, varð leiðbeinandi og leiðtogi yngri flokka félagsins 1956, 25 ára. Undir stjórn hans urðu yngri flokkar Fram nær ósigrandi í mörg ár.

Samhliða allri þjálfun sá Mummi um húsvörslu í Framheimilinu við Skipholt og við hlið hans stóð Guðrún Jóhannesdóttur, eiginkona hans, sem var hæstráðandi innan veggja heimilisins.

Mummi byrjaði að þjálfa meistaraflokk Fram 1962 og varð flokkurinn Íslandsmeistari sama ár. Mummi tók sér frí frá þjálfun meistaraflokks 1964, en kom aftur 1970 og gerði Fram strax að bikarmeisturum og síðan að Íslandsmeisturum 1972.

Guðmundur var gerður heiðursfélagi Knattspyrnufélagsins Fram í 100 ára afmælishátíð félagsins 2008. Áður hafði Guðmundur verið gerður að heiðursfélaga/Heiðurskross KSÍ 2007.

Fram þakkar Guðmundi fyrir vináttu og mikil og góð störf fyrir félagið.

Eiginkonu hans Guðrúnu Jóhannesdóttur og fjölskyldu eru sendar innilegar samúðarkveðjur.

Knattspyrnufélagið FRAM

Á döfinni

Mán. 18. sept. | Stjarnan 28 - 28 FRAM
Olísdeild Kvenna Mýrin
Mán. 18. sept. | Stjarnan 25 - 25 FRAM
Olísdeild Karla Mýrin
Lau. 23. sept. | kl. 13:30 | FRAM - Fjölnir
Olísdeild Kvenna FRAMhús
Lau. 23. sept. | kl. 14:00 | FRAM - Þróttur
Inkasso-deild Karla Laugardalsvöllur
Lau. 23. sept. | kl. 16:00 | FH - FRAM U
Grill 66 deild Kvenna Kaplakriki
Lau. 23. sept. | kl. 16:00 | Fjölnir U - FRAM U
2. deild Karla Dalhús
Mán. 25. sept. | kl. 19:30 | FRAM - Selfoss
Olísdeild Karla FRAMhús
Fim. 28. sept. | kl. 19:30 | FRAM - Afturelding
Olísdeild Karla FRAMhús
Fös. 29. sept. | kl. 20:00 | ÍR U - FRAM U
2. deild Karla Austurberg
Sun. 8. okt. | kl. 18:00 | FRAM U - HK
Grill 66 deild Kvenna FRAMhús

Samstarfsaðilar