Knattspyrnufélagið FRAM

Jafnt gegn Stjörnunni í Olísdeild karla

Eins og komið hefur fram þá var tvíhöfði í Mýrinni í kvöld, strákarnir áttu seinni leikinn gegn Stjörnunni. Spennandi að sjá hvernig þeir myndu mæta til leiks eftir skrautlega frammistöðu í þeim síðasta. Ég var reyndar algjörlega viss að þeim myndu mæta klárir til leiks eftir að hafa hitt suma þeirra á göngunum.
Þeir vissu upp á sig skömmina.
Leikurinn í dag var skemmtilegur framan af, við byrjuðu vel, kraftur í okkar mönnum og bullandi barátta í liðinu. Allt annað að sjá okkur í byrjun leiksins. Leikurinn jafn og jafnt á flestum tölum, staðan eftir 15 mín. 6-6.
Við héldum áfram að döflast varnarlega en hefðum mátt nýta færin okkar betur. Það kom okkur í koll undir lok hálfleiksins þegar Stjarnan seig framúr, ekki að þeir væri eitthvað betri, heldur nýttu þeir færin betur. Við fórum illa með 5-6 dauðafæri sem er dýrt í svona leik. Staðan í hálfleik 15-12.  Margt gott í þessum hálfleik, ekki besti handbolti í heimi en menn lögðu allt í leikinn sem er til fyrrimyndar.
Síðari hálfleikur byrjaði vel og við vorum fljótir að jafna, breyttum varnarleiknum sem virkaði vel. Staðan  18-18 eftir 40 mín. Við bættum svo í og vorum mest þrjú mörk yfir, staðan eftir 50 min. 20-23. Þarna vorum við með leikinn í okkar höndum en þá hættum við sóknarlega og sóknarleikurinn slakur það sem eftir lifði leiks.  Ferlegt að sjá okkur, við hættum að sækja og fórum bara í fæddur skírður. Þarna hefðum við þurft að halda haus og halda áfram að keyra á þá sóknarlega. Vorum bara pínu hræddir.
Við náðum samt að halda jöfnu sem var í raun nokkuð merkilegt miðað við okkar sóknarleik. Börðumst vel varnarlega sem skilaði stigi í dag. Lokatölur í dag 25-25.
Margt gott í þessum leik, leikur okkar miklu betri en við sýndum í fyrsta leiknum.  Baráttan í liðinu góð, þurfum að byggja á þessu og ljóst ef við höldum áfram á þessum nótum þá eigum við eftir að safna stigum.  Siggi Þorstein var góður í dag,  Arnar Birkir flottur ásamt því að Viktor stóð sig vel. Matti gríðarlega duglegur varnarlega.  Fínt stig í húsi, þurfum að byggja á þessum leik, við getum gert betur það er klárt. Vel gert drengir.
Næsti leikur eftir viku á heimavelli gegn Selfoss á heimavelli endilega kíkja í Safamýrina.

ÁFRAM FRAM

Á döfinni

Sun. 15. okt. | FRAM 28 – 24  Grótta
Olís deild Karla FRAMhús
Fim. 19. okt. | FRAM 33 – 30 ÍBV
Olís deild Kvenna FRAMhús
Fös. 20. okt. | kl. 20:15 | FRAM U – Akureyri U
2. deild Karla FRAMhús
Lau. 21. okt. | kl. 12:00 | FRAM U – KA U
2. deild Karla FRAMhús
Lau. 21. okt. | kl. 14:00 | FRAM U – Valur U
Grill 66 deild Kvenna FRAMhús
Sun. 22. okt. | kl. 17:00 | Víkingur – FRAM
Olís deild Karla Víkin
Þri. 24. okt. | kl. 20:00 | FRAM – Haukar
Olís deild Kvenna FRAMhús
Þri. 31. okt. | kl. 20:00 | Þróttur U – FRAM U
2. deild Karla Laugardalshöll

Samstarfsaðilar