Knattspyrnufélagið FRAM

FRAM stóð sig vel á fyrsta bikarmóti ársins í Taekwondo

Fyrsta bikarmót ársins var haldið í herbúðum Ármanns nú um helgina. Um 20 iðkendur á öllum aldri kepptu fyrir Fram að þessu sinni, ýmisst í tækni, bardaga eða bæði. Allir stóðu sig með prýði og fór þar Bjarki Kjartansson fremstur í flokki og sigraði hann bæði í keppni einstaklinga í tækni og í bardaga í sínum flokkum auk þess að hampa fyrsta sætinu í hópa poomsae með félögum sínum þeim Jenný og Hlyn. Félagið rakaði inn verðlaunum og hlaut 81 stig eða þriðja besta árangur helgarinnar og situr í fjórða sæti í bikarmótaröðinni.

Þetta var þó ekki fyrsta mót ársins og hefur deildin haft í nógu að snúast það sem af er árinu.
Félagið átti tvo keppendur á Norðurlandamótinu sem haldið var í upphafi árs og varð Hulda Dagmar norðurlandameistari í poomsae í sínum flokki.
RIG, eða Reykjavík International games, var svo haldið í byrjun febrúar. Að þessu sinni var RIG opið iðkendum á öllum aldri og öllum getustigum og átti deildin því fjölda keppenda þar sem almennt stóðu sig vel. Keppni á mótum eins og RIG er örlítið frábrugðin keppni á öðrum mótum og gríðarlega góð reynsla og ánægjulegt að sjá hvað keppendur félagsins stóðu sig vel, bæði í tækni og í bardaga.

Það er mikill uppgangur hjá deildinni, bæði er varðar iðkenda fjölda og árangur á mótum. Nú í mars verður Íslandsmeistrara mótið í bardaga og verður spennandi að fylgjast með okkar fólki þar, enda er markmiðið að landa þar nokkrum titlum.

Stjórn Taekwondodeildar Fram.

Á döfinni

Lau. 14. des. kl. 16:00 FRAM – Afturelding 
Olísdeild karla FRAMhús

Lau. 11. jan. kl. 15:00 FRAM U –  FH
Grill 66 deild kvenna FRAMhús
Lau. 11. jan. kl. 15:15  Valur – FRAM
Reykjavíkurmót karla Egilshöll
Fös. 17. jan. kl. 19:30 Grótta – FRAM U
Grill 66 deild kvenna Seltjarnarnes
Lau. 18. jan. kl. 16:00 Stjarnan – FRAM
Olísdeild kvenna Mýrin
Lau. 18. jan. kl. 17:15  FRAM – Leiknir R.
Reykjavíkurmót karla Egilshöll
Lau. 19. jan. kl. 14:30 FRAM U –  Krían
2. deild karla  FRAMhús

Samstarfsaðilar