Knattspyrnufélagið FRAM

Fram fær öflugan liðstyrk í fótbolta

Þórir og Jón Sveinsson

Knattspyrnufélagið Fram gerði í vikunni
samning við tvo sterka leikmenn sem hafa reynslu úr efstu deild. Þórir
Guðjónsson
sem leikið hefur með Breiðabliki undanfarin ár snýr aftur heim
en hann lék með Fram upp alla yngri flokka. Auk Breiðabliks hefur Þórir spilað
með Fjölni og Val í meistaraflokki. Hann á alls 147 leiki í meistaraflokki og í
þeim hefur hann skorað 47 mörk. Þórir Guðjónsson er 28 ára og er samningur hans
við Fram til tveggja ára.

„Ég er glaður að
vera búinn að skrifa undir hjá Fram og hlakka til að takast á við nýjar
áskoranir. Ég vil nýta tækifærið og þakka Breiðablik fyrir samstarfið og óska
þeim góðs gengis næsta sumar. Mér finnst heillandi að snúa aftur til
uppeldisfélagsins og hjálpa til við að koma félaginu á þann stað sem það á að
vera. Nonni þjálfaði mig í 2. flokki á sínum tíma og ég er spenntur að vinna
aftur með honum. Mér líst vel á liðið. Ég þekki nokkur andlit í hópnum en svo
eru þarna líka ungir og efnilegir strákar sem ég hlakka til að spila með.“

Albert

Albert Hafsteinsson er 23 ára miðjumaður sem kom við sögu í 15 leikjum með ÍA í Pepsi Max
deildinni í sumar. Albert hefur leikið 101 meistarflokks leik með skagaliðinu
og býr yfir gæðum sem munu nýtast Fram vel á komandi árum. Samningur Alberts er
til þriggja ára.

„Ég er mjög
ánægður með að vera kominn í Fram. Fram er félag með mikla sögu og það eru mjög
jákvæðir og skemmtilegir hlutir í kringum klúbbinn núna og mikil uppbygging,
bæði innan vallar sem utan. Það er frábært tækifæri fyrir mig að fá að taka
þátt í því. Þjálfararnir eru reynslumiklir og vilja spila skemmtilegan fótbolta
og vonandi nýtast mínir styrkleikar vel í þá hugmyndafræði. Ég þekki nokkra í
leikmannahópnum og hópurinn er á góðum aldri. Ég tel að þetta sé rétt skref á
þessum tímapunkti á mínum ferli.“

Fyrr í haust samdi Fram við þrjá sterka leikmenn þá Ólaf Íshólm Ólafsson markvörð, sóknarmanninn Alexander Má Þorláksson og varnarmanninn Gunnar Gunnarsson en allir koma þeir með gæði og reynslu inn í hópinn.

„Gríðarlega
ánægður með þennan liðsstyrk,“ segir Jón Sveinsson þjálfari

„Það var ljóst þegar að Helgi Guðjónsson
fór frá okkur í haust að við þyrftum að styrkja okkur framarlega á vellinum. Þá
er orðið ljóst að Tiago verður ekki með okkur næsta sumar en þeir tveir, Helgi
og Tiago, voru lykilmenn sem spiluðu nánast alla leiki Fram síðasta sumar. Við
brotthvarf þeirra var ljóst að við þyrftum að styrkja okkur á miðsvæðinu og
fram á við. Þessir leikmenn sem nú hafa komið til okkar eru allt leikmenn á
besta aldri með töluverða reynslu og flottir karakterar. Ég tel að þeir henti
Fram vel og þeim leikstíl sem við spilum.“

Fram hefur leikið í Inkasso deildinni
undanfarin 5 sumur eða síðan liðið féll úr efstu deild 2014. Í haust tók ný
stjórn við knattspyrnudeildinni og fjölmennur hópur Framara kemur í dag að
starfinu. Einhugur eru um að byggja ofan á jákvæða spilamennsku síðasta
tímabils og stefnan er skýr. Félagið flytur í glæsilega íþróttaaðstöðu í
Úlfarsárdal árið 2022 og markmiðið er að Knattspyrnufélagið Fram leiki þá í
deild þeirra bestu.

Á döfinni

Lau. 14. des. kl. 16:00 FRAM – Afturelding 
Olísdeild karla FRAMhús

Lau. 11. jan. kl. 15:00 FRAM U –  FH
Grill 66 deild kvenna FRAMhús
Lau. 11. jan. kl. 15:15  Valur – FRAM
Reykjavíkurmót karla Egilshöll
Fös. 17. jan. kl. 19:30 Grótta – FRAM U
Grill 66 deild kvenna Seltjarnarnes
Lau. 18. jan. kl. 16:00 Stjarnan – FRAM
Olísdeild kvenna Mýrin
Lau. 18. jan. kl. 17:15  FRAM – Leiknir R.
Reykjavíkurmót karla Egilshöll
Lau. 19. jan. kl. 14:30 FRAM U –  Krían
2. deild karla  FRAMhús

Samstarfsaðilar