Knattspyrnufélagið FRAM

FRAM svæðið í Úlfarsárdal

Nú er kominn endanleg mynd á nýtt framtíðar íþróttasvæði FRAM í Úlfarsárdal.

Íþróttamiðstöð FRAM í Úlfarsárdal verður án efa eitt glæsilegasta íþróttamannvirki sem byggt hefur verið í Reykjavík og mun án efa halda vel utan um starfsemi FRAM næstu áratugina hið minnsta.

Íþróttamiðstöð FRAM í Úlfarsárdal samanstendur af:

  1. Fjölnota íþróttamannvirki FRAM felur í sér, fjölnota íþróttahús þar sem hægt er að koma fyrir tveimur handknattleiksvöllum í fullri stærð, þversum, með áfastri áhorfendaaðstöðu fyrir aðalleikvang auk áhorfendaaðstöðu fyrir leiki þvert á húsið.
    Í húsinu verða tólf búningsklefar, þrír minni íþróttasalir svo sem fyrir taekwondoo, almenningsdeild og styrktarþjálfun félagsins.
    Félags- og þjónustuaðstaða er fyrir starfsfólk, þjálfara og félagsmenn ásamt samkomusal, fundaraðstöðu, verslun, þjónustu, áhaldageymslur, geymslur osfv.
    Gert ráð fyrir að fjölnota mannvirki FRAM verði fullbúið maí 2022.
  2. Aðalleikvangur FRAM, fullnægir öllum kröfum leyfiskerfis KSÍ um mannvirki til keppni í efstu deild í knattspyrnu með áhorfendastúku undir sama þaki og fjölnota íþróttamannvirki, með hinni langhlið vallarsins er gert ráð fyrir áhorfendasvæði í framtíðinni. Gert er ráð fyrir því að völlurinn verði tilbúinn maí 2022.
  3. Grassvæði fyrir sunnan aðalleikvang. Er samtals um 12.000 fm. – rúmar tvo knattspyrnuvelli í fullri stærð. Um er að ræða grassvæði sem verður afgirt og með sjálfvirku vökvunarkerfi. Gert ráð fyrir að verði klárt vor 2022, en smá óvissa með sig á svæðinu sem á eftir fá niðurstöðu í.
  4. Gervigrasvöllur FRAM í Úlfarsárdal, vestan við aðalvöll, tekin í notkun haust 2011.
  5. Bílastæði, lóðafrágangur, trjágróður, gönguleiðir, hjólaleiðir, undirgöng, svæðið afgirt ofl. Allur frágangur kláraður mái  2022 og þá verður allt svæðið fullfrágengið.
  6. Dæluhús f. alla knattspyrnuvelli á svæðinu, tekið í notkun haust 2019.
  7. Knatthús og vélageymsla verða staðsett við austurenda fjölnotahúss og mun vélageymsla tengja saman fjölnotahús og knatthús. Stærð knatthúss verður 75-60 m. (hálfur fótboltavöllur) en stærð vallar er um 68 x 52.5 m. Áætlað er að knatthús verði tilbúið sumar 2023.
  8. Framtíðarsvæði FRAM er staðsett suð austur af aðalsvæði FRAM, austan við Úlfarsá, samtals 29.600 fm. Þetta svæði mun félagið geta nýtt í framtíðinni fyrir hugsanlega stækkun valla og/eða undir önnu mannvirki sem félagið kann að hafa þörf fyrir í náinni framtíð. Engar umsamdar framkvæmdir á þessi svæði á næstu árum.Knattspyrnufélagið FRAM