Tap á móti Aftureldingu

Meistaraflokkur karla fékk í Mosfellinga í heimsókn í N1 deild karla. Þes ber þó að geta að þeir Róbert Aron og Jón Arnar gátu ekki leikið með sökum meiðsla og að auki var Stefán Darri veikur.

Strákarnir keyrðu vel á gestinu í upphafi leiks og komust fljótlega í fjöggra marka forystu. En í kjölfarið fóru menn að brjóta kæruleysislega af sér í vörninni og fá dýrar 2 mínútur sem orsökuðu það að Afturelding komst inn í leikinn og tóku öll völd. Staðan í hálfleik var 11-14.

Strákarnir komu af krafti inn í seinni hálfleikinn og náðu að minnka muninn niður í eitt mark 14-15. En dapur varnarleikur, lítil markvarsla og óskynsamur sóknarleikur grófu þennan leik í jörðina. Ljósið í myrkrinu var þó dugnaður og baráttuvilji Sigga Eggerts en hann var eini með lífsmarki síðustu tuttugu mínúrtur leiksins.

Synd að strákarnir skyldu ekki ná að nýta sér þessa flottu byrjun á leiknum. En það verður að taka með í dæmið að liðið er ungt og svona leikir fara í reynslubankann og mestu skiptir að strákarnir snúi þessu tapi og nýti það sem styrk í næsta leik.

Share this post

Share on facebook
Share on twitter
Share on linkedin
Share on pinterest
Share on email