Stelpurnar mæta ÍBV í kvöld

Keppni hefst í Flugfélags Íslands-bikar kvenna, deildarbikarnum, í íþróttahúsinu í Strandgötu í Hafnarfirði í kvöld.  FRAMstúlkur mæta þar liði ÍBV og verður flautað til leiks klukkan 20.  Fyrri viðureign kvöldsins, leikur Vals og Stjörnunnar, hefst klukkan 18.15.

Ekkert hefur verið leikið í N1-deild kvenna síðan um miðjan nóvember, en hlé var gert á deildarkeppninni vegna þátttöku íslenska kvennalandsliðsins á EM í Serbíu nú í desember.  FRAM lék sinn síðasta deildarleik 16.nóvember og hafði þá sannfærandi sigur á Selfyssingum, 33-14.

FRAM og ÍBV hafa mæst einu sinni í deildinni á þessari leiktíð; FRAM vann sætan sigur í Vestmannaeyjum þann 29.september, 27-21.  Búast má við hörkuleik í Strandgötunni í kvöld og eru FRAMarar hvattir til að mæta, horfa á góðan handbolta og styðja FRAM til sigurs.

Sigurliðin í leikjum kvöldsins mætast í úrslitaleik FÍ-bikarsins í Laugardalshöll klukkan 17.30 á morgun.

Share this post

Share on facebook
Share on twitter
Share on linkedin
Share on pinterest
Share on email