fram 2

Tvöföld handboltaveisla á laugardag

fram 2
Garðar

Meistaraflokkslið FRAM í handknattleik standa bæði í stórræðum á laugardag.  Kvennaliðið heimsækir Selfoss klukkan 13.30 og karlaliðið fær Hauka í heimsókn klukkan 16.

Leikur Selfoss og FRAM í þessari lokaumferð N1-deildar kvenna kemur væntanlega ekki til með að breyta neinu varðandi stöðu liðanna tveggja í deildinni.  FRAM getur reyndar náð Val að stigum, en nær þó aldrei að hirða toppsætið af Hlíðarendaliðinu sem þegar hefur verið krýnt deildarmeistari.  ÍBV er fimm stigum á eftir FRAM í þriðja sæti og breytingar á stöðu þriggja efstu liðanna kemur því ekki til.
Selfoss situr í níunda sæti, er tveimur stigum á eftir Haukum, liðin unnu sitt hvora innbyrðisrimmuna á útivelli með tveggja marka mun þar sem Selfoss skoraði 27 mörk í Hafnarfirði en Haukar skoruðu 23 mörk á Selfossi.  Haukar mæta Fylki í lokaumferðinni, en Fylkisliðið situr í botnsæti deildarinnar og hefur aðeins unnið leik á leiktíðinni.
Selfoss-Fram-N1kvenna-160313-banner

 

 

FRAM tekur á móti Haukum í N1-deild karla klukkan 16 á laugardag og getur með sigri náð FH-ingum að stigum.  FRAM og FH standa jöfn í tveimur innbyrðisviðureignum sínum á leiktíðinni og mætast í gríðarlega mikilvægum leik næstkomandi fimmtudag.  Haukar hafa sex stiga forystu á toppi deildarinnar og geta því tryggt sér deildarmeistaratitilinn í Safamýri á laugardag.  Haukar hafa unnið báða leiki sína gegn FRAM til þessa, þann fyrri með sjö marka mun og þann síðari með eins marks mun.
Fram-Haukar-N1karla-160313-banner

Share this post

Share on facebook
Share on twitter
Share on linkedin
Share on pinterest
Share on email