hopurinnbest 2010

Almenningsíþróttadeild FRAM 10 ára

Almenningsíþróttadeild Fram, 26. mars  2003 varð Knattspyrnufélagið  Fram fyrst reykvískra íþróttafélaga til að stofna sérstaka almenningsíþróttadeild. Var það í samræmi við íþróttastefnu Reykjavíkurborgar, sem kveður á um að íþróttafélög skuli bjóða upp á slíka starfsemi og helst innan sérstakra deilda.

Í raun var deildin aðeins framhald á starfsemi sem þegar fór fram á vegum félagsins. Frá 1995 var starfandi leikfimihópur í tengslum við íþróttahús og tækjasal Fram. Jafnframt höfðu verið skipulagðir skokk- og stafgönguhópar fyrir Framara og aðra íbúa hverfisins. Þessi leikfimi hópur er enn starfandi og blómstrar sem aldrei fyrr.

En margt hefur breyst á 10 árum, deildin hefur vaxið og dafnað eins og eðlilegt er, félagið tók að sér umsjón með íþróttastarfsemi í Grafarholti  og auðvitað fylgdi  Almenningsíþróttadeildin með. Almenningsíþróttadeild FRAM er í dag starfrækt á tveimur stöðum í Safamýri og í Grafarholt og Úlfarsárdali. Á báðum stöðum heldur deildin úti Íþróttaskóla Fram fyrir börn á aldrinum 18 mánaða til 6 ára. Íþróttaskóli þessi var upphaflega stofnsettur af handknattleiksdeild Fram árið 1993 og fagnar því 20 ára afmæli sínu í haust.

Almenningíþróttadeild FRAM hefur á þessum 10 árum bætt við sig skokkhóp í Grafarholti og Úlfarsárdal en sá hópur hefur verið að stækkað jafnt og þétt síðustu árin.  Leikfimihópur fyrir konu og karla hefur verið stafræktur í Safamýri  síðustu árin og  nú síðast að senda lið til keppni í Körfubolta en veturinn 2010-11 sendi Fram  lið til keppni í 2. deild Íslandsmóts karla í körfuknattleik undir merkjum almenningsíþróttadeildar. Var það í fyrsta sinn sem Framarar tefla fram liði í þeirri íþrótt frá því að körfuknattleiksdeild FRAM lognaðist út af á níunda áratugnum.

Guðlaugur Hilmarsson hefur verið formaður deildarinnar frá upphafi og má segja að deildin hafi á þessum 10 árum verið undir stjórn sama fólksins sem hefur unnið mikið og gott starf í þágu almenningíþrótta í FRAM. Jóna Hildur Bjarnadóttir hefur á þessum árum farið fremst í flokki en hún  á heiðurinn af því að setja á fót leikfimi hópinn sem byrjaði starfsemi árið 1995, Jóna Hildur er mikill áhugakona um almenningsíþróttir og má segja að FRAM hafi notið góðs af hennar starfskröftum síðastliðin 18 ára og á félagið henni mikið að þakka. Þó við nefnum þessa tvo einstaklinga þá hafa auðvitað margir góðir einstaklingar komið að deildinni á þessum 10 árum og eiga þeir allir þakkir skildar fyrir sitt framlag.

Knattspyrnufélagið FRAM óskar Almenningíþróttadeild FRAM til hamingju með afmælið og megi deildin vaxa og dafna í framtíðinni.

Knattspyrnufélagið FRAM

Share this post

Share on facebook
Share on twitter
Share on linkedin
Share on pinterest
Share on email