Fram-Throttur5

FRAM mætir ÍR á Hertzvellinum í kvöld

Fram-Throttur5FRAM heimsækir ÍR í Lengjubikarkeppni kvenna í knattspyrnu í kvöld.  Flautað verður til leiks á Hertzvellinum í Breiðholti klukkan 19.00.  Liðin hafa bæði 3 stig í 1.riðli C-deildar Lengjubikarkeppninnar, FRAM eftir tvo leiki en ÍR eftir einn.

FRAM hóf leik í Lengjubikarkeppninni með tapi gegn ÍA á Akranesi 1-9, en kvittaði hressilega fyrir tapið með því að leggja Víking frá Ólafsvík í öðrum leik sínum 8-0.  Liðið hefur því þrjú stig eftir tvo leiki og markatöluna 9-9.  Hópurinn er óðum að þéttast og liðið tekur framförum með hverjum leik.
ÍR hefur leikið einn leik í Lengjubikarkeppninni, vann Víking frá Ólafsvík á  heimavelli 2-0, en leik leik ÍR og ÍA sem fram átti að fara sl. þriðjudag var frestað.

Búast má við áhugaverðum leik í Breiðholtinu í kvöld og eru stuðningsmenn FRAM hvattir til að fjölmenna og styðja vel við bakið á bráðefnilegu Safamýrarliði.

Share this post

Share on facebook
Share on twitter
Share on linkedin
Share on pinterest
Share on email