Fram-Throttur6

Sigur gegn Keflavík í Lengjubikar kvenna

Fram-Throttur6FRAM hafði í dag betur gegn Keflavík 4-2 í lokaleik sínum í 1.riðli C-deildar Lengjubikarkeppni kvenna í knattspyrnu.  Staðan í hálfleik var jöfn, 1-1.  FRAM situr sem stendur í öðru sæti riðilsins með sjö stig, tveimur stigum á eftir toppliði ÍA og einu fyrir ofan Keflavík.  ÍR, sem náð getur FRAM að stigum, mætir ÍA í lokaleik sínum og þarf að vinna þann leik með fjögurra marka mun til að skjótast upp í annað sætið.

Leikurinn í Úlfarsárdalnum í dag fór fjörlega af stað.  Sara Lissy Chontosh kom FRAM yfir strax á 9.mínútu, en Hulda Matthíasdóttir jafnaði metin fyrir Keflavík fimm mínútum síðar.  Þóra Rut Jónsdóttir kom FRAM í 2-1 eftir fjögurra mínútna leik í síðari hálfleik og Sara Lissy skoraði sitt annað mark og þriðja mark FRAM á 69.mínútu, 3-1.  Íris Björk Rúnarsdóttir hleypti spennu í leikinn þegar hún minnkaði muninn átta mínútunum fyrir leikslok, en Alda Karen Jónsdóttir gulltryggði sætan sigur með marki í uppbótartíma, 4-2 fyrir FRAM.

FRAM 4-2 Keflavík (1-1)
1-0  Sara Lissy Chontosh 9.mín.
1-1  Hulda Matthíasdóttir 14.mín.
2-1  Þóra Rut Jónsdóttir 49.mín.
3-1  Sara Lissy Chontosh 69.mín.
3-2  Íris Björk Rúnarsdóttir 82.mín.
4-2  Alda Karen Jónsdóttir 90.mín.

Staðan í 1.riðli C-deildar Lengjubikarkeppni kvenna:

FÉLAG L U J T MÖRK NET STIG
1 ÍA 3 3 0 0 26-2 24 9
2 Fram 4 2 1 1 14-12 2 7
3 Keflavík 4 2 0 2 10-13 -3 6
4 ÍR 3 1 1 1  4-5 -1 4
5 Víkingur Ó. 4 0 0 4  3-25 -23 0

 

Share this post

Share on facebook
Share on twitter
Share on linkedin
Share on pinterest
Share on email