fbpx
Bikar2011

FRAM 105 ára | Tvíhöfði í handboltanum | Afmæliskaffi

Karla- og kvennalið FRAM í handknattleik verða í afmælisskapi á heimavelli á 105 ára afmælisdaginn, 1.maí.  Kvennaliðið mætir Stjörnunni í þriðja leik úrsiltarimmunnar um Íslandsmeistaratitilinn klukkan 17.00 og karlaliðið tekur á móti Haukum í öðrum leik Íslandsmeistaraeinvígisins klukkan 19.45.  FRAMarar hefja daginn í afmæliskaffi í FRAMhúsinu klukkan 10.

Afmælisbarnið dafnar vel og full ástæða er til þess að leggja leið sína í Safamýrina til að fagna tímamótunum.  Hátíðarhöldin hefjast með afmæliskaffi í FRAMsalnum klukkan 10 og handboltinn tekur svo öll völd þegar líður á daginn.  Mikið verður um dýrðir og ganga má að því vísu að stemmning og skemmtun verði í hávegum. Stjörnufólk og Haukar munu væntanlega ekki láta sitt eftir liggja – það er pressa á stuðningsfólki FRAM að fagna afmælisbarninu og vonandi ánægjulegri niðurstöðu tveggja frábærra handboltaleikja.

Miðaverð á leikina á morgun er kr. 1.500.-, en miðar á báða leikina eru seldir saman á kr. 2.500.-.  Forsala verður í FRAMhúsinu milli klukkan 11 og 13.

Hamborgarabúllan mætir á svæðið og fírar upp í öllum tiltækum grillum klukkan 18.  Fyrirtaks borgarar og sérvaldi drykkir fást á sanngjörnu verði.

Þetta er dagskrá sem enginn FRAMari má láta framhjá sér fara.  FYLLUM KOFANN – STYÐJUM OKKAR FRÁBÆRA HANDBOLTAFÓLK!  Við eigum möguleika á að vinna tvöfalt í ár – stuðningurinn skiptir öllu máli!

1maí002

Share this post

Share on facebook
Share on twitter
Share on linkedin
Share on pinterest
Share on email
Shopping cart0
There are no products in the cart!
Continue shopping
0

Skráðu þig á póstlistann!

Fáðu allar fréttir, tilboð og aðrar upplýsingar beint í æð!