FRAM heimsækir Hauka í þriðja leik úrslitarimmu N1-deildar karla í handknattleik klukkan 15 á laugardag og staðan er einföld; FRAM á möguleika á að tryggja sér Íslandsmeistaratitilinn í fyrsta sinn síðan 2006. Fyrstu tveir leikirnir voru hnífjafnir og átakanlega spennandi; FRAM vann fyrsta leikinn að Ásvöllum með tveggja marka mun og tvífrramlengdan háspennuleik í FRAMhúsinu á miðvikudag með fimm marka mun.
Ganga má að því vísu að leikurinn í Schenkerhöllinni á laugardag verður tilfinningaþrunginn og spennandi. Stemmningin á áhorfendapöllunum hefur verið frábær og verður það án nokkurs vafa í þessum þriðja leik. Það hlýtur að vera óþarfi að hvetja FRAMara til að fjölmenna í Hafnarfjörð, en við gerum það samt.
FJÖLMENNUM OG LEGGJUM OKKAF AF MÖRKUM – STRÁKARNIR EIGA MÖGULEIKA Á AÐ TRYGGJA SÉR TITIL SEM ENGINN REIKNAÐI MEÐ AÐ ÞEIR MYNDU VINNA!