fbpx
Fram-Haukar - OJMfors

FRAM – Haukar | Fjórði leikurinn í FRAMhúsinu í kvöld

Fram-Haukar - OJMFRAM og Haukar mætast fjórða sinni í úrslitarimmu N1-deildar karla í handknattleik í FRAMhúsinu í kvöld. Flautað verður til leiks klukkan 19.45, staðan í einvíginu er 2-1 fyrir FRAM og heimasigur myndi því tryggja þeim bláu Íslandsmeistaratitilinn í fyrsta sinn síðan 2006.

FRAM vann tvo fyrstu leikina í einvíginu; 20-18 í Schenkerhöllinni að Ásvöllum og 35-30 í tvíframlengdum  háspennuleik í FRAMhúsinu. Haukarnir svöruðu með sigri í þriðja leiknum á heimavelli, 27-24.

Leikir FRAM og Hauka hafa verið spennuhlaðnir og stórskemmtilegir, stemmningin eins og best verður á kosið og engin breyting verður þar á í kvöld. Það er staðfest. Við hvetjum FRAMara auðvitað til að fjölmenna og láta hraustlega til sín taka – stuðningurinn í kvöld gæti hreinlega klárað þetta einvígi.
FJÖLMENNUM OG TRYGGJUM FRAMSIGUR!

Boðið verður upp á rómaða grillborgara fyrir leikinn í kvöld – grillin verða orðin funheit kl. 18.30 og því ætti enginn að þurfa að upplifa stemmninguna og stuðið á tóman maga.

Share this post

Share on facebook
Share on twitter
Share on linkedin
Share on pinterest
Share on email
Shopping cart0
There are no products in the cart!
Continue shopping
0

Skráðu þig á póstlistann!

Fáðu allar fréttir, tilboð og aðrar upplýsingar beint í æð!