fbpx
Árgangamót 2013 lið ársins

Árgangamót FRAM

Hið árlega Árgangamót FRAM í knattspyrnu var haldið í níunda sinn 8.maí í íþróttahúsi FRAM í Safamýri.  Mótið hefur líkt og sjálf lóan verið fastur liður í vorkomunni síðustu árin.  Eins og venjulega voru leikmenn 30 ára og eldri gjaldgengir í mótið.  Á mótinu leiða saman hesta sína leikmenn sem sumir hverjir hafa leikið með meistaraflokki FRAM og aðrir sem léku knattspyrnu í yngri flokkum en létu þar við sitja og sneru sér að öðrum krefjandi verkefnum í lífinu.

Þátttakendur í ár voru rúmlega fimmtíu í tíu liðum.  Leikmenn meistaraflokks karla í knattspyrnu sáu um dómgæsluna og sýndu mismikla röggsemi.  Það skorti hins vegar ekkert upp á röggsemina þegar í sjálfan úrslitaleikinn var komið en þá hafði hinn reyndi dómari Gylfi Þór Orrason tekið við flautunni.

Til þess að gera langa sögu stutta voru það lið árganga 1963/65, 1968, 1980/81 og 1982 sem komust áfram úr riðlakeppninni og í undanúrslit.  Að lokum fór það svo að lið 1980/81 fór með sigur af hólmi.  Báru þeir sigurorð af margföldum meisturum 1968 árgangsins í bráðfjörugum úrslitaleik.

Árgangamót 2013

Lið 1980/81 bar sigur úr býtum.

Að mótinu loknu sameinuðust leikmenn í hinum glæsilega veislusal FRAM og gæddu sér á dýrindis grilluðu lambakjöti og tilheyrandi.  Skemmtileg dagskrá var frameftir kvöldi þar sem markahrókurinn og aðstoðarþjálfari FRAM Helgi Sigurðsson stýrði pub-quizi og sýndar voru svipmyndir úr bikarúrslitaleik FRAM-KR frá árinu 1989 svo eitthvað sé nefnt.  Þá fór einnig fram verðlaunaafhending.  Lið 1980/81 fór heim með glæsilegan bikar og venju samkvæmt stóð dómnefnd valinkunnra sparkspekinga fyrir vali á liði ársins, björtustu voninni og besta leikmanni mótsins.  Í lið ársins voru valdir Finnur Thorlacius, Þórhallur Víkingsson, Jóhann Wathne og Viðar Guðjónsson.  Viðar var valinn besti maður mótsins og Hergeir Elíasson var bjartasta vonin.

Á næsta ári verður haldið upp á tíu ára afmæli Árgangamótsins og uppi eru hugmyndir um að gera gott mót ennþá betra og að það verði sérstaklega glæsilegt á tíu ára afmælinu.

 

 

Share this post

Share on facebook
Share on twitter
Share on linkedin
Share on pinterest
Share on email
Shopping cart0
There are no products in the cart!
Continue shopping
0

Skráðu þig á póstlistann!

Fáðu allar fréttir, tilboð og aðrar upplýsingar beint í æð!