Roland Eradze, sem um nokkurra ára skeið var í hópi bestu markvarða í íslenska handboltanum og sinnt hefur þjálfun með góðum árangri undanfarin misseri, hefur verið ráðinn aðstoðarþjálfari Íslandsmeistara FRAM í handknattleik kvenna.
Roland lætur sér ekki nægja að vera Halldóri Jóhanni til aðstoðar á komandi leiktíð, því hann hefur einnig verið ráðinn þjálfari 2.flokks karla hjá FRAM. Þá mun hann sinna markmanns- og tækniþjálfun hjá Íslandsmeisturum FRAM í karlaflokki og í öðrum, þriðja og fjórða flokki karla og kvenna.