Árnahlaup verður haldið á Sauðárkróki laugardaginn 29. júní til heiðurs Árna Stefánssyni.
Árni, sem er fyrrverandi markvörður Fram og íslenska landsliðsins í knattspyrnu, verður sextugur á árinu. Árni hefur verið frumkvöðull í hlaupamenningu Skagafjarðar um árabil.
Hlaupaleiðir eru við allra hæfi: Fjölskylduhlaup (2 km), Skógarhlaup (6 km) og Fjallahlaup (17 km). Frítt er í Fjölskylduhlaupið og Skógarhlaupið. Fjallahlaupið hefst kl. 10 (gönguhópur kl. 9) en hin tvö kl. 11. Ræst á hlaupabraut íþróttavallar. Vegleg verðlaun, viðurkenningar og útdráttarverðlaun.
Sjá nánar á hlaup.is og Facebook/arnahlaup. Allir velkomnir í hressandi hlaup, skokk eða göngu!
