922726_10151573806349650_93682419_n

FRAM tekur þátt í Evrópukeppni næsta vetur

Fram-Valur-bikar-SJ4Handknattleiksdeild FRAM hefur tilkynnt þátttöku meistaraflokks kvenna í evrópukeppni næsta vetur.  Nú verður það þátttaka í EHF Cup annað árið í röð.

Þetta verður 6 árið í röð sem Meistaraflokkur kvenna FRAM tekur þátt í Evrópukeppni og er ekki ólíklegt að þetta fari að verða lengsta samfellda þátttaka meistaraflokks kvenna íslensks liðs í evrópukeppni.  Þegar FRAM tók þátt veturinn 2008 – 2009 var það í fyrsta sinn eftir langt hlé, en þar áður hafði FRAM síðast tekið þátt veturinn 1995 – 1996.  Það varð því 12 – 13 ára hlé á þátttöku FRAM í evrópukeppni.

Við skulum aðeins rifja upp þessa þátttöku undanfarin ár.

Veturinn 2008 – 2009 – Challenge Cup

FRAM – RK Olimija

Þennan vetur átti FRAM rétt til þáttöku í Challenge Cup.  Mótherjarnir voru RK Olimpija fá Sloveniu.  Báðir leikirnir fóru fram í Lubljana og töpuðust nokkuð stórt.  Fyrri leikurinn 42 – 23 og var Þórey Rósa Stefánsdóttir markahæst í lið i FRAM með 7 mörk.  Seinni leikurinn tapaðist einnig en nú með heldur minni mun 36 – 27, og nú var Ásta Birna Gunnarsdóttir markahæst með 7 mörk.

Veturinn 2009 – 2010 – Challenge Cup

FRAM – Anadolu University S.C.

Aftur átti FRAM rétt til þáttöku í Challenge Cup.  Það var langt ferðalag sem FRAM fór í í fyrstu leikina í evrópukeppnina þennan vetur.  Mótherjarnir voru Anadolu Universitu S.C.  frá Tyrklandi.  Báðir leikirnir fóru fram í Eskisehir í Tyrklandi.  FRAM sigraði í báðum leikjunum.  Þeim fyrri 30 – 27 og var Ásta Birna Gunnarsdóttir markahæst með 10 mörk.  Þann seinni sigraði FRAM 30 – 20 og var Stella Sigurðardóttir markajæst með 8 mörk.

FRAM – RK Tresnjevka

Næstu mótherjar FRAM voru RK Tresnjevka frá Króatíu.  Báðir leikirnir fóru fram hér heima.  FRAM sigraði í fyrri leiknum 31 – 26, þar sem Karen Knútsdóttir skoraði 9 mörk.  FRAM sigraði einnig í seinni leiknum 39 – 25 og þá varð Marthe Sördal markahæst með 9 mörk.  Með þessum sigri var fram komið í átta liða úrslit í keppninni.

FRAM – HC Metalurg

Í átta liða úrslitum dróst FRAM á móti HC Metalurg frá Makedóníu.  Það varð að ráði sökum kostnaðar að báðir leikirnir færu fram í Makedóníu í mars 2010.  Fyrri leikinn sigraði FRAM nokkuð óvænt 29 – 26.  Karen Knúsdóttir og Stella Sigurðardóttur skoruðu báðar 8 mörk í leiknum. Í seinni leiknum fór allt hins vegar á versta veg og FRAM tapaði honum 21 – 15 og var því naumlega úr leik þetta árið.  Marthe Sördal varð markahæst með 5 mörk.  Það munaði því ekki miklu að FRAM kæmist í undanúrslit í keppninni þetta ár.

Veturinn 2010 – 2011 – Cup Winners´Cup

FRAM – LC Brühl Handball

Sem bikarmeistarar þá átti FRAM þennan vetur rétt til þátttöku í Cup Winners´ Cup.  Fyrsti mótherjinn var LC Brühl Handball frá St. Gallen í Sviss.  Báðir leikirnir fóru fram í St. Gallen í Sviss.  Fyrri leikinn sigraði FRAM 26 – 25 nokkuð óvænt held ég.  Markahæst varð Karen Knútsdóttir með 9 mörk.  Seinni leikinn sigraði FRAM örugglega 25 – 31 og varð Stella Sigurðardóttir nú markahæst með 9 mörk.

FRAM – Podatkova University

Næstu mótherjar voru Podatkova University frá Úkraínu.  FRAM keypti báða leikin hingað heim, sem tókst vel.  FRAM sigraði örugglega í fyrri leiknum 36 – 21, þar sem Sigurbjörg Jóhannsdóttir, Stella Sigurðardóttir og Marthe Sördal skoruðu allar 6 mörk.  Seinni leikinn vann FRAM einnig örugglega 31 – 24 og þá varð það Sigurbjörg sem varða aftur markhæst með 8 mörk.

FRAM – HSG Blomberg-Lippe

Í 16 liða úrslitum dróst FRAM gegn HSG Blomberg Lippe frá Þýskalandi.  Eftir langar samningaviðræður þá varð úr að báðir leikirnir færu fram hér á landi.  Fyrri leikinn sigraði Blomberg Lippe 26 – 24 eftir að hafa haft örugga forystu í hálfleik.  Markahæðst varð Stella Sigurðardóttir með 9 mörk.  Seinni leikinn sigraði Blomberg Lippe einnig ennú með 1 marki 30 – 29.  Markahæstar urðu Stella Sigurðardóttir og Karen Knútsdóttir báðar með 8 mörk.

Tveir leikmenn FRAM vöktu áhuga forsvarsmanna þýskaliðsins og veturinn eftir fóru þær Karen Knútsdóttir og Hildur Þorgeirsdóttir til Þýskalands og léku með þýska liðinu.

Veturinn 2011 – 2012 – Cup Winners´Cup

FRAM – Alcoa FKC

Þennan vetur var byrjað á að halda til Ungverjalands.  Mótherjarnir voru Alcoa FKC frá borginni með þægilega nafnið, Szekesferhervar.  Ungverska liðið var helst til sterkt fyrir FRAM og sigraði það 31 – 22 í fyrri leiknum.  Elísabet Gunnarsdóttir var markahæst með 6 mörk.  FRAM stóð sig betur í seinni leiknum en Alcoa sigraði engu að síður 29 – 26.  Elísabet varð aftur markahæst með 10 mörk.

Þátttöku FRAM var því lokið í evrópukeppninni þennan veturinn.

Veturinn 2012 – 2013 – EHF Cup

FRAM – Tertnes Bergen

Síðastliðinn vetur tók FRAM þátt í EHF Cup.  Þetta var í fyrsta sinn sem FRAM tók þátt í EHF Cup síðan veturinn 1994 – 1995.  Mótherjar FRAM í fyrstu umferð var hið geysisterka lið Tertnes Bergen frá Noregi.  Samið var við norska liðið um að báðir leikirnir færu fram hér á landi.  Tertnes sigraði í fyrri leiknum nokkuð örugglega 35 – 21.  Elísabet Gunnarsdóttir, Birna Haraldsdóttir og Stella Sigurðardóttir skoruðu allar 5 mörk í leiknum.  Í seinni leiknum þá kom allt annað FRAM lið til leiks og sigraði norska liðið 21 – 18, þar sem Stella Sigurðardóttir var markahæst með 6 mörk.  Þátttöku FRAM lauk því snemma síðast liðinn vetur.

 

Share this post

Share on facebook
Share on twitter
Share on linkedin
Share on pinterest
Share on email