Kvennalið FRAM í knattspyrnu mátti sætta sig við tap gegn ÍR, 1-2, í 1.deild kvenna í knattspyrnu í gærkvöldi. ÍR skoraði mörkin sín bæði í fyrri hálfleik, en Dagmar Ýr Arnardóttir skoraði mark FRAM í síðari hálfleik.
Fyrir leikinn í gær hafði ÍR aðeins unnið einn leik í deildinni, gegn Víkingi í Ólafsvík í síðustu viku, og hafði m.a. tapað gegn FRAM strax í annarri umferð 1-4. FRAM mætti til leiks í gær með tvo sigurleiki í röð í farteskinu og hafði reyndar unnið þrjá af fjórum síðustu leikjum sínum. Hafdís Erla Valdimarsdóttir og Hildur Egilsdóttir skoruðu fyrir ÍR i fyrri hálfleik í gær og komu heimaliðinu í 2-0, en Dagmar Ýr Arnardóttir minnkaði muninn fyrir FRAM um miðjan síðari hálfleikinn.
FRAM situr áfram í fjórða sæti A-riðils 1.deildar og mátti illa við því að tapa stigum í gær, hefði með sigri getað nálgast topplið efstu liðin. ÍR þokaði sér með sigrinum fjær botnliðum BÍ/Bolungarvíkur og Víkings frá Ólafsvík.
| FÉLAG | L | U | J | T | MÖRK | NET | STIG | |
|---|---|---|---|---|---|---|---|---|
| 1 | Fylkir | 9 | 8 | 1 | 0 | 41 – 4 | 37 | 25 |
| 2 | ÍA | 10 | 8 | 1 | 1 | 32 – 8 | 24 | 25 |
| 3 | Álftanes | 10 | 5 | 2 | 3 | 13 – 13 | 0 | 17 |
| 4 | Fram | 11 | 5 | 1 | 5 | 17 – 17 | 0 | 16 |
| 5 | Haukar | 10 | 4 | 1 | 5 | 14 – 14 | 0 | 13 |
| 6 | Tindastóll | 9 | 2 | 3 | 4 | 15 – 15 | 0 | 9 |
| 7 | ÍR | 10 | 2 | 3 | 5 | 11 – 27 | -16 | 9 |
| 8 | BÍ/Bolungarvík | 10 | 1 | 2 | 7 | 8 – 25 | -17 | 5 |
| 9 | Víkingur Ó. | 9 | 1 | 2 | 6 | 6 – 34 | -28 | 5 |