Mánudaginn 12. ágúst hefst skemmtilegt 8 daga fótboltanámskeið með smá helgar-fjöri.
Námskeiðið verður haldið á grasvellinum í Safamýri vikuna 12. – 16. ágúst og 19. – 21. ágúst og verður frá kl 9:00 til 12:15.
Við verðum lengur einhverja daga en það verður allt ákveðið með dags fyrirvara og tilkynnt í tölvupósti.
Námskeiðið er ætlað stelpum á aldrinum 7 – 12 ára og mun Biggi þjálfari 5. 6. og 7. flokks kvk. sem flestar þekkja hafa umsjón með námskeiðinu.
Áhersla verður lögð á að stelpurnar njóti sín eftir aldri og styrkleika og fái verkefni við hæfi. Farið verður t.a.m. í tækniæfingar, skotæfingar, skallaæfingar og sendingar, einnig mun markmannsþjálfari frá FRAM kíkja í heimsókn og leiðbeina stelpunum í markinu.
Það er margt skemmtilegt á dagskránni og mun það raðast eftir veðri og vindum hvaða daga við gerum hvað…og hvað gerum við?
- Fyrst og fremst verður fullt fullt af fótbolta
- Sund
- Knattþrautabraut
- Ísferð
- Tímataka
- Nauthólsvík í strand-fótbolta
- Grill
- Teiknum á boli
- Fjársjóðsleit
- Óvæntur glaðningur
- Viðurkenningar
- Stefnt verður á að setja á leik, Stelpur vs “Úrvalslið” foreldra J nánar um það síðar
- Laugardaginn 17. ágúst er meistaraflokkur karla FRAM að keppa til úrslita á móti Stjörnunni í Borgunarbikarnum kl.16:00. Hópurinn mun hittast niður í Safamýri fyrir leikinn gera ýmislegt skemmtilegt saman og fjölmenna svo á völlinn.
Verð á námskeiðið er kr. 8.000. (Systur borga kr. 6000).
Einnig er hægt að skrá sig 12. – 16. ágúst kr. 5000 og 19. – 21. ágúst kr. 3000.
Skráning er hafin hjá Bigga þjálfara á framstulkur@gmail.com eða í s. 6998422 og gefur hann nánari upplýsingar ef með þarf.
Hægt er að greiða með millifærslu á reikning 0101-26-88891 kt. 2708683-719.
Sendið kvittun á netfangið framstulkur@gmail.com með nafni stúlku í skýringu.
Við vonumst til að sjá sem flesta stúlkur á þessu skemmtilega námskeiði.
Áfram FRAM!
