FRAM hafði betur gegn ÍA, 4-0, í A-riðli 1.deildar kvenna í knattspyrnu á FRAMvellinum í Safamýri í kvöld, tryggði sér þar með þriðja sæti riðilsins og færði Fylkisstúlkum efsta sætið.
FRAM 4-0 ÍA (3-0)
1-0 Hulda Mýrdal Gunnarsdóttir 13.mín.
2-0 Hulda Mýrdal Gunnarsdóttir 25.mín.
3-0 Dagmar Ýr Arnardóttir 40.mín.
4-0 Fjóla Sigurðardóttir 71.mín.
Fyrir leikinn í kvöld hafði Skagaliðið aðeins tapað tveimur leikjum í deildinni; gegn FRAM og Fylki, og þótti öllu líklegra til afreka. FRAMstúlkur höfðu hins vegar nokkra yfirburði og tvö mörk Huldu Mýrdal Gunnarsdóttur á fyrstu tuttugu og fimm mínútunum undirstrikuðu þá. Guðrúnu Valdísi Jónsdóttur, markverði ÍA, var vísað af leikvelli þegar átta mínútur voru eftir af fyrri hálfleik og Dagmar Ýr Arnardóttir skoraði þriðja mark FRAM áður en fyrri hálfleikur var allur. Fjóla Sigurðardóttir gulltryggði glæsilegan sigur með fjórða marki FRAM í síðari hálfleik.
Röð þriggja efstu liðanna í riðlinum er þar með ráðin; Fylkir hefur tryggt sér efsta sætið, ÍA er í öðru sæti og FRAM í því þriðja.
Staðan í A-riðli 1.deildar kvenna:
| FÉLAG | L | U | J | T | MÖRK | NET | STIG | |
|---|---|---|---|---|---|---|---|---|
| 1 | Fylkir | 14 | 13 | 1 | 0 | 69 – 6 | 63 | 40 |
| 2 | ÍA | 15 | 11 | 1 | 3 | 48 – 22 | 26 | 34 |
| 3 | Fram | 15 | 8 | 2 | 5 | 28 – 20 | 8 | 26 |
| 4 | Haukar | 15 | 7 | 1 | 7 | 26 – 22 | 4 | 22 |
| 5 | Álftanes | 14 | 5 | 4 | 5 | 18 – 20 | -2 | 19 |
| 6 | Tindastóll | 13 | 3 | 5 | 5 | 26 – 21 | 5 | 14 |
| 7 | ÍR | 15 | 3 | 4 | 8 | 15 – 45 | -30 | 13 |
| 8 | BÍ/Bolungarvík | 14 | 2 | 3 | 9 | 13 – 33 | -20 | 9 |
| 9 | Víkingur Ó. | 15 | 1 | 3 | 11 | 12 – 66 | -54 | 6 |