Reykjavíkurmóti kvenna 2013.
Þó að lítið hafi farið fyrir umfjöllun um Reykjavíkurmót kvenna í handbolta stendur það nú yfir. Einungis fjögur lið eru skráð til leiks, en það er auk FRAM, Fylkir, Fjölnir og Víkingur. Það vekur athygli að lið Vals tekur ekki þátt í mótinu.
FRAM hefur nú leikið tvo leiki í mótinu:
FRAM lék við Víking 3. september s.l. og er skemmst frá því að segja að sá leikur var aldrei spennandi. FRAM var yfir 21 – 6 í hálfleik og sigraði 43 – 12. Það var því um algera einstefnu að ræða í leiknum eins og í raun mátti gera ráð fyrir.
Markahæstar hjá FRAM voru: Ragnheiður Júlíusdóttir 11 mörk, Marthe Sördal 9 mörk og Steinunn Björnsdóttir 6 mörk.
FRAM lék síðan í kvöld við Fjölni. Það var eins og leikurinn við Víking, ójafn leikur. Staðan í hálfleik 17 – 5. Lokatölur urðu síðan 33 – 13. FRAM stóð þar lengst af í vörn og beið eftir að Fjölnir langar sóknir lengst af og eða tapaði boltanum. Það sáust þó ágætis tilþrif í leiknum og yngri leikmenn fengu að spreyta sig.
Markahæstar hjá FRAM í kvöld voru: Hekla Rún Ámundadóttir 8, Ragnheiður Júlíusdóttir 5, Sigurbjörg Jóhannsdóttir og Steinunn Björnsdóttir 4.
Næsti leikur Fylkir – FRAM á morgun miðvikudaginn 11. september 2013
Það er stutt á milli leikja núna. Næsti leikur FRAM í Reykjavíkurmótinu sem jafnframt er sá síðasti er á morgun, miðvikudaginn 11. september 2013, á móti Fylki í Fylkishöllinni í Árbænum og hefst kl. 18:00.
Fylkir er búinn að vinna Fjölni stórt og það má einnig gera ráð fyrir að Fylkir vinni Víking stórt í þeirra leik sem er eftir.
Leikurinn á morgun er því í raun úrslitaleikur á Reykjavíkurmótinu í ár. Miðað við leikinn við Fylki á Subway mótinu um helgina verður ekkert gefið eftir í þessum leik.
Það verður því að hvetja alla FRAMara til að mæta á leikinn á morgun.
gþj