Ásgeir Marteinsson sem sló í gegn með HK í 2. deildinni í sumar skrifaði nú undir kvöld undir þriggja ára samning við Fram. Ásgeir sem er 19 ára leikur sem framliggjandi miðjumaður en hann skoraði 10 mörk í 21 deildarleik með HK á nýliðinni leiktíð.
Hann var kjörinn efnilegasti leikmaður 2. deildar af leikmönnum og fyrirliðum deildarinnar nú í haust.
Fram telur mikinn feng í að hafa náð samningum við Ásgeir og hlakkar til samstarfsins framundan.
