Siggi og línumaður gegn ÍR vefur

Tap gegn HK 22 – 19

SigfúsÞað er  varla að maður nenni að skrifa um svona leik svo slakur var hann frá fyrstu mínútu. Það var eins og okkar menn hefðu engann áhuga á þessu verkefni og því fór sem fór.  Leikuirnn byrjaði illa og endaði illa og allt þar á milli var gert af hálfum hug og maður hafði það á tilfinningunni að þessi leikur færi illa.  Vörnin var ekki góð, markvarslan slök og sókin gekk illa.  Það vantaði að vísu Siffa sem er meiddur á fingri en það átti ekki að koma að sök í kvöld ef aðrir leikmenn hefðu risið upp og skilað sínu. Hk drengir leiddu allan leikinn og staðan í hálfleik var 10-8. Maður var að vona að okkar menn myndu mæta til leiks í síðari hálfleik en svo var ekki. Sami aulagangurinn hélt áfram og við náðum aldrei tökum á því sem við vorum að reyna að gera og lokatölur í þessum leik 22-19.
Það var enginn sem stóð upp úr í dag allir leikmenn áttu slakan dag og hugarfarið í þessum leik fyrir neðan allar hellur, bráttan og dugnaðurinn sem strákarnir hafa sýnt okkur í síðustu leikjum var ekki til staðar og þá er voðinn vís.  Það gengur ekki að mæta til leiks með þessum hætti drengir við verðum allir að vera á fullu og mæta brjálaðir í alla okkar leiki, þá gengur maður alltaf sáttur af velli. Dómarar í kvöld voru Arnar og Svavar og guð hálpi þeim ef þeim ætla að dæma á þessu nótum í meistardeild Evrópu, það er nú allt sem ég hef um það að segja.

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email