Nafn: Bryndís María Theodórsdóttir
Aldur: 27 ára
Hjúskaparstaða: Einhleyp
Gælunafn: Hér er langan lista að finna, en ætli Bibba, Búbbís og Theo standi ekki efst á vinsældalistanum. Annars er ég líkleg til að svara öllum gælunöfnum sem byrja á B.
Staða á vellinum: Varnarsinnað tröll.
Fyrri lið: Breiðablik, Afturelding, Blue Raiders og BK Skjold.
Besti samherjinn? Lilja Gunnars var minn maður síðasta sumar.
Hver tekur mest í bekkpressu? Æfingapartnerinn og vinkona mín hér í DK eða Dýrið eins og ég kýs að kalla hana lætur mig heldur betur líta illa út í ræktinni.
Mesti sprellarinn í liðinu? Áslaugarnar tvær eru atvinnumenn í þessari grein, hvor á sinn hátt. Annars hef ég ekki enn fengið að kynnast nýju leikmönnunum.
Fallegasti karlmaðurinn í Fram? Hverjir eru í þessu Fram-liði núna? Kveðja Útlendingurinn. Ætli myndalegasti maðurinn sé ekki farinn í KR.
Fallegasti kvenmaðurinn í Fram? Má setja mann í þessa stöðu. Úllen DúllenDoff…..Kristjana Skvíza.
Fyndnasta mómentið með hópnum? Það móment mun eflaust koma á Spáni enda er hópurinn stútfullur af uppátækjasömum og bráðfyndnum dömum. Bíð afar spennt.
Besti leikmaðurinn “utan vallar”? Gef systur minni Thelmu heiðurinn af þessum titli. Allavega besti nýliðinn.
Lélegust í reitarbolta? Þegar ég fór síðast í reitarbolta í Safamýrinni fór ég frekar illa með Dagmar Mýrdal sem þurfti að vera vel gyrt í nokkuð langan tíma (enda gat hún ekki haldið klofinu á sér lokuðu).
Leyndur hæfileiki? Hugsa að hann sé enn leyndur og muni fyrst koma fram eftir nokkur ár. Hinsvegar á ég nokkra ömmutakta með prjónana og við saumavélina svo það má segja að ég sé mjög góð í höndunum.
Sturluð staðreynd um þig? Á létt klikkaða hlið af sjálfri mér þó svo flestir haldi að ég sé pollróleg og andi stundum ekki.
Drottning klefans? Sturtuklefa-drottningarnar frá síðasta sumri voru klárlega Mjöll og Áslaug yngri með ferðastólana sína.
Knattspyrnudeild FRAM