UIA2

Flottur sigur hjá 2. fl.ka. á Eskifirði í dag

UIA1Strákarnir okkar í 2. fl. ka. eru líka hér á Austfjörðum í dag og því nóg að snúast hjá fréttaritara FRAM á Austfjörðum.  Strákarnir léku á Eskifirði við frábærar aðstæður, töluverð rigning, algjört logn og rennisléttur grasvöllur.
Leikurinn var fjörugur og staðan í hálfleik 0-2 fyrir okkur FRAMara, mörkin gerðu Benedikt og Baldvin.  Í síðari hálfleik var enn meira fjör völlurinn rennblautur sem bauð upp allskonar misstök, tæklingar og stanslaust fjör í 45 mín.  UÍA náði að jafna leikinn og komast yfir 3-2.  Við bættum við tveimur mörkum og komust í 3-4.  UÍA jafnaði 4-4 og allt stefndi í jafntefli en á loka mín leiksins setti Halldór Þórðarsson gott mark þegar hann snéri af sér búnka af varnarmönnum og setti boltann í netið 4-5.
Alex fékk svo dauðafæri eftir þetta og hefði átt að bæta við marki en lokatölur í dag í hörkuleik 4-5 sigur. Mörk 3 og 4 fyrir okkur FRAMarar gerðu Sigurður Þráinn Geirsson og Sigurður Friðriksson.
Takk fyrir skemmtunina drengir og góða ferð heim.

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email