Handbolta strákarnir okkar í mfl.ka. eru þessa stundina staddir á Spáni þar sem þeir undirbúa sig af kappi fyrir átök vetrarins. Strákarnir héldu út á laugardag og ætla að dvelja við æfingar og keppni út þessa viku. Leikinn var æfingaleikur í gær sem gekk frekar brösulega en við áttu góðan fyrri hálfleik en misstum síðan eitthvað dampinn þegar á leikinn leið. Aðalleikur ferðarinnar verður svo á morgun en þá leika þeir við Fraikin BM Granollers, leikurinn er opnunarleikur liðsins í ár og er hann vel auglýstur um alla borg. Þeir sem hafa áhuga á því að horfa á þennan leik á morgun miðvikudag þá er hann sýndur beint á netinu og er linkurinn á leikinn hér http://www.esport3.cat/directes
Annars er allt gott að frétta af liðinu, allur aðbúnaður flottur og vel hugsað um liðið. Reyndar missteig Ólafur Ægir sig í gær morgun og leik ekki í gærkvöldi en reiknað með að hann verði klár á miðvikudag, aðrir eru þreyttir en annars við hestaheilsu.
Handknattleiksdeild FRAM