Strákarnir okkar í mfl.ka léku í kvöld sinn annan leik á Íslandsmótinu þegar þeir fengu FH í heimsókn í Safamýrina. Vel var mætt á leikinn og bara góð stemming í húsinu. Vel gert FRAMarar.
Leikurinn var jafn og spennandi frá upphafi til enda. Liðin léku á köflum góðan handbolta, margar flottar sóknir hjá báðum liðum fínn varnarleikur og markvarslan almennt góð.
Jafnt var á nánast öllum tölum í fyrri hálfleik en undirlokin gáfum við aðeins eftir og staðan í hálfleik 10-13 fyrir gestina.
Við byrjuðum síðar hálfleikinn af krafti og náðum strax að jafna leikinn og ná yfirhöndinn á kalfa en þá gerðum við full mikið af misstölum nýttu ekki færi sem við fengum, töpuð boltanum einum fleiri og fengum á okkur ódýr mörk. Það fannst mér vera vendipunkturinn í leiknum hjá okkur og við misstum þá fram úr okkur aftur og þurftum í lokin að taka smá sénsa ásamt því að fara illa með dauðafæri. En svona er þetta, lokatölur í leiknum 24-28 sem var mesti munurinn í leiknum og gefur kannski ekki rétt mynda af honum.
Strákarnir gerðu allt sem þeir gátu í þessum leik, nema kannski að nýta góð færi í seinni hálfleik og töpuðu sennilega of mörgum boltum í fyrri hálfleik sem gáfu andstæðingunum of mörg ódýr mörk úr hraðaupphlaupum. Annars voru okkar með flottir og geta klárlega unnið öll lið í vetur. Næsti leikur er svo á laugardag gegn ÍR í Austurberginu. Sjáumst þá.
ÁFRAM FRAM