kristófer vefur

Tap í Safamýrinni 22-27

Óli Ægir FHStrákarnir okkar í mfl. karla  léku í kvöld gegn UMFA í Safamýrinni.  Góð mæting var í Safamýrina og fyrir það verður að þakka, gaman að sjá alla þessa  FRAMara saman.   Þurfum að gíra okkur aðeins upp og láta betur í okkur heyra.
Við byrjuðum leikinn í kvöld afleitlega,  það var eins og við hefðum enga trú  og  nánast lamaðir fyrstu 5 mín leiksins.   Það er eitthvað sem leikmenn geta bætt strax í næsta leik.    Við lentum sem sagt strax undir í leiknum, staðan  1-5 eftir  5 mín.  Það fór því mikil orka í að vinna þann mun upp en við gerðum það og náðum að minnka muninn í  1 mark.  Kristófer var virkilega góður, við náðum mjög góðum köflum en það vantaði herslu muninn og vera skynsamir í okkar aðgerðum. Staðan í hálfleik  12-13.
Við byrjuðum síðari hálfleikinn illa vörnin var ekki að halda, látum teyma okkur út úr stöðum og voru klaufar sóknarlega, alltof mikið að misstökum í þessum leik.   Það má segja að byrjun síðari hálfleiksins hafi  gert út um leikinn, við náðum aldrei að ógna UMFA í síðari hálfleik að einhverju marki.  Þeir voru miklu grimmari en við og unnu að lokum sanngjarnan sigur.  Það vantar í okkur einhvern neista og kraft.  Ég auglýsi aftur eftir þeim krafti sem var í okkur í fyrra þegar við klárum leiki á vilja, óendanlegri bráttu og trú.  Lokatölur í kvöld 22-27.
En þetta eru engin endalok,  við höfum fulla trú á strákunum og mótið er langt. Allir okkar leikmenn geta meira og ég er sannfærður um að þeir munu sína okkur það í næstu leikjum.   Upp með hausinn og mætum fullir sjálfstrausts í næsta leik.
Næsti leikur er í Digranesi gegn HK á mánudag, á velli sem reynst hefur okkur erfiður í gegnum árin.

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email