Guðrún Þóra Fylkir vefur

FRAM vann öruggan sigur á FH á heimavelli í kvöld

maríaFyrri leikur „Tvíleiksins“ í FRAMhúsi í kvöld var leikur okkar stúlkna gegn FH.  Það var bara bærilega mætt en svona frekar dauf stemming, svolítið í samræmi við leikinn.
Stelpurnar byrjuðu þokkalega í kvöld náðu 4-1 forrustu en þá slokknaði á okkur um tíma og fimleikastelpurnar náðu að jafna leikinn 4-4.  Þessar fyrstu fimmtán mínútur fara nú ekki í sögubækurnar fyrir gæði svo mikið er víst.  En við tókum okkur taki og náðum að spila þokkalega það sem eftir lifði af hálfleiknum og staðan í hálfleik var 12-8.  Spilarmennska okkar í hálfleiknum undir getu og mér heyrðist þjálfarinn ekki vera sérlega kátur með frammistöðuna.
Síðari hálfleikur var ekki góður en við höfðum algjör tök á þessum leik, vörnin var að mestu góð  og því var leikurinn aldrei í hættu við náðum mest 8 marka forrustu að mig minnir og svo fengu allir leikmenn FRAM að spila sem er alltaf gott.  Leikmenn þurfa allir að fá að spila, fá mínútur í alvöru leikjum. Lokatölur í kvöld öruggur sigur 21 – 15.
Mörkin dreifðust ágætlega  Guðrún Þóra, Lísa og María settu 4 mörk, Ásta og Sigurbjörg voru með 3, Steinunn 2 og Elva 1 mark.
Næsti leikur er svo á sunnudag kl. 14:30 gegn Fylki í FRAMhúsi.  Þá þurfa stelpurnar að mæta betur stemmdar en í kvöld. Sjáumst þá !

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email