Í dag var dregið í Evrópukeppni kvenna, Áskorendabikar Evrópu 16 liða úrslit. Við FRAMarar lentum þar gegn ZRK Naisa Nis frá Serbíu. Það er því ljóst að fyrir liggur langt ferðalag til Nis í Serbíu nema að um annað semjist. Fyrri leikurinn á að fara fram í Serbíu og sá síðari viku seinna hér í Safamýrinni. Eins og er vitum við ekkert um þetta ágæta lið ZRK Naisa en liðið komst eins og við auðveldlega í gegnum 32 liða úrslitin. Það er því ljóst að þetta verður spennandi verkefni sem við fáum í febrúar.
ÁFRAM FRAM