Við FRAMarar lékum í kvöld okkar síðasta leik á Reykjavíkurmótinu þetta árið. Leikið var samkvæmt venju í Egilshöll og nú gegn Fylki. Við telfdum fram frekar ungu liði í kvöld en aftast lína liðsins var þó hokin reynslu að mestu.
Við áttum undir högg að sækja í fyrri hálfleiknum og náðum ekki að skapa mikið af færum. Stefán Birgir átti reyndar mjög gott skot sem small í marksúlunni en inn vildi boltinn ekki. Fylkismenn náðu hinsvegar að setja á okkur mark í fyrri hálfleiknum og því var staðan í hálfleik 0-1. Sennilega sanngjarnt miðað við gang mála í leiknum.
Síðari hálfleikur byrjaði mjög svipað, við áttum aðeins á brattan að sækja og það lá heldur á okkur án þess þó að Fylkismenn fengju einhver teljandi tækifæri. Við náðum svo betri tökum á leiknum þegar á leið og þegar upp er staðið voru við sennilega betri aðilinn í síðari hálfleiknum. Það kom því ekki á óvart að við næðum að jafna leikinn á 32 mín en markið kom úr vítaspyrnu eftir að brotið var á Alexander Má. Alexander tók vítið sjálfur og skoraði af öryggi. Við hefðum svo getað sett annað mark skömmu síðar þegar Sigurður Þráinn komst inn fyrri vörn Fylkis en setti boltann í innanverða stöngina en inn vildi hann ekki og niðurstaðan í kvöld jafntefli 1-1. Sennilega sanngjörn úrslit þegar upp er staðið. FRAMliðið var að spila ágætlega á köflum og þegar leið á, lékum við bara vel. Góð vinnsla í liðinu og allir að reyna að spila fótbolta.
ÁFRAM FRAM