Lísa Fylkir vefur

Jafntefli í Árbænum

nadiaFramstúlkur fóru í heimsókn upp í Árbæ í kvöld.  Ef einhver reiknaði með þægilegum leik varð það ekki rauninn.  Það ætti enginn að reikna með slíku enda hefur Fram nógu oft verið í erfiðleikum með lið Fylkis á liðnum árum.
Leikurinn í kvöld byrjaði vel og var staðan 3 – 6 Fram í vil eftir 10 mínútna leik.  Þá fór hins vegar allt í baklás í sóknarleiknum.  Fylkir jafnaði fljótlega 8 – 8 og komst yfir og leiddi leikinn 12 – 10 í hálfleik.  Sóknin batnaði ekki mikið í seinni hálfleik.  Þegar um 10 mínútur voru til leiksloka var Fylkir yfir 18 – 16.  Fram skoraði hins vegar tvö síðustu mörk leiksins sem lauk með jafntefli 18 – 18.  Sóknarleikurinn í kvöld ekki nærri nógu góður og eins og það þyrði enginn að taka af skarið og sækja á markið. Varnarleikurinn var hins vegar alveg þokkalegur og varð betri eftir því sem lengra leið á leikinn.  Fylkir skoraði til að mynda einungis 6 mörk í seinni hálfleik og ekkert mark á síðustu tíu mínútunum.
Markvarslan var einnig góð og Nadia varði ein 19 skot þar af 3 víti þó að Fylkir hafi hirt frákostin í tveimur tilvikum.
Nú er það sóknin sem þarf að komast í lag og með góðri liðsheild sem hefur verið einkennandi í vetur er e.t.v. ekki ástæða til að hafa áhyggjur af þessu.
Mörk Fram skoruðu: Elísabet 4, Steinunn 4, Ragnheiður 3, Marthe 2, Ásta Birna 2, Hekla 1, Elva 1 og Hulda 1.

Næsti leikur er útileikur við ÍR á laugardaginn.

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email