kristófer vefur

Tap gegn UMFA að Varmá

Arnar Freyr ArnarssonVið  FRAMarar lékum í kvöld gegn UMFA í Mosfellsbænum. Leikurinn var ekkert sérlega vel leikinn og mikið af misstökum á báða bóga.
Við byrjuðum leikinn alveg þokkalega en þurftum að hafa töluvert fyrir okkar mörkum en gáfum þeim auðveld mörk á móti sem er algjör óþarfi.  Staðan eftir 10 mín  6-6 en þá misstum við  hausinn sóknarlega.  Við hættum að sækja á markið og UMFA gekk á lagið, staðan eftir 20 mín 11-7 sem segir ansi mikið,  við náðum að setja 1 mark á 10 mín kafla. Við reyndum allt sem við gátum og náðum með seiglu að minnka muni í 2 mörk fyrir hálfleik,
staðan í hálfleik 14-12.
Það var því allt opið fyrir síðari hálfleikinn en því miður mættu við ekki vel stemmdir til leiks og UMFA náði mest 6 marka forrustu á fyrstu 10 mín síðari hálfleiks, staðan eftir 40 mín  19-14.  Það má segja að þessi vonda byrjun hafi klárað leikinn.  Við náðum eiginlega aldrei að ógna UMFA eftir þetta og munurinn var þetta 3-5 mörk það sem eftir lifði leiksins. Lokatölur í kvöld 26-21.
Við lékum ekki vel í kvöld,  vörnin hélt vel  á köflum en svo gerðum við okkur alltof oft seka um einstaklings misstök sem gáfu ódýr mörk, þurfum að aga okkur betur í vörninn, þá á hún eftir að smella. Sóknarlega vorum við hreinlega skelfilegir á löngum köflum og þurfum að vera miklu ákveðnari í öllum okkar aðgerðum. Við þurfum að sækja þá möguleika sem við sannarlega höfum og gera það á fullu.  Það þýðir litið að að sækja svona til hálfs og á hálfum hraða.  Þetta þurfa okkar menn að bæta.  Ég hef fulla trú á því að við munum gera það í næstu leikjum.  Kristófer var ágætur í leiknum en við þurfum allir að leggja meira af mörkum og þá eru  okkur allir vegir færir.
Það er stutt í næsta leik sem verður á fimmtudag gegn Val. Sjáumst þá.

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email