Siggi Þorsteins FH vefur

Góður FRAM sigur að Hlíðarenda

Óli Ægir FHStrákarnir okkar í handboltanum mættu frískir að Hlíðarenda í kvöld. Það var einbeyting í hópnum og greinilegt að allir voru klárir í slaginn.
Leikurinn byrjaði nokkuð vel,  við reyndum að hafa sóknir okkar langar og það tókst bara vel, vörnin hélt og staðan eftir 10 mín . 3-3. Þannig leikur hentar okkur vel.  Við héldum áfram að berjast á fullu og spila langar sóknir og eftir 20 mín vorum við yfir 8-9.  Við komumst mest í 10-13 en voru klaufar á loka kaflanum og staðan í hálfleik 14-14. Flottur fyrri hálfleikur.
Síðari hálfleikur byrjaði eins og sá fyrri ekki mikið skorað, jafnt á flestum tölum og staðan eftir 40 mín 19-18. Þá kom einhver extra kraftur í okkar menn og baráttan varð hrikaleg.  Við náðum tökum á leiknum og það var greinilegur pirringum í Hlíðarenda strákum. Staðan eftir 50 mín 21-22.  Við hreinlega pökkuðum þeim saman síðustu 10 mín leiksins og lokatölur í kvöld 25-28. Glæsilegur og verðskuldaður sigur að Hlíðarenda staðreynd.
Það voru allir að leika vel í kvöld og baráttan maður,  strákarnir voru hrikalegir og fá mikið hrós fyrir þessa frammistöðu í kvöld.  Kristófer var mjög góður, Siggi Þorsteins frábær og aðrir leikmenn hreinlega ljómuðu í kvöld. Gamla geðveikin sem ég lýsi stundum eftir,  hún var mætt í kvöld og þá getum við unnið hvaða lið sem er. Vel gert drengir og þetta er eitthvað sem ég er til í að horfa á aftur.   Vonbrigði kvöldsins var samt frammistaða dómara leiksins sem hafa ekki dæmt svona illa í áraraðir.  Þvílík hörmung og ég legg til að þeir skoði þennan leik vel, ekki boðlegt drengir.
Næsti leikur er eftir slétta viku sjáumst þá.

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email