FRAM - Selfoss 015

Tap gegn Selfossi í Lengjubikar KSÍ

FRAM - Selfoss 003Strákarnir okkar í fótboltanum léku í dag við mjólkur drengina frá Selfossi.  Leikið var að venju við bestu aðstæður innan dyra í Egilshöll.  Þó ég segi bestu aðstæður þá er grasið sem boðið er upp á í Egilshöll barn síns tíma og verða borgaryfirvöld að fara að skipta því út, það verður bara að fara að gerast.
Leikurinn í dag spilaðist ekki eins og við vildum við fengum á okkur mark strax í upphafi leiks, mjög flott mark en okkar klaufaskapur skapaði það engu að síður.   Við vorum í raun alveg 20 mín að komast inn í þennan leik vorum einhvern veginn ekki að ná saman og spilamennskan ekki góð. Við náðum þó smá saman að vinna okkur inn í leikinn og náðum að jafna með góðu marki Arnórs Daða Aðalsteinssonar, flott skot í stöngina og inn, hans fyrsta mark með mfl.   Staðan í hálfleik 1-1.
Við mættum ekki nógu hressir til síðari hálfleiks vorum einhvern veginn ekki að spila okkur saman og það var eitthvað sem vantaði í okkar leik.  Við börðumst alveg ágætlega en spilamennskan var ekki að gera sig.  Við fengum á okkur vont mark þar sem varnarmenn okkar voru hreinlega úti á þekju og gáfu andstæðingnum of mikinn tíma til að gera það sem þá lysti.   Alveg undir lokinn fengum við svo á okkur annað mark og lokatölur í dag 1-3 tap.  Leikurinn var ekki vel leikinn af okkar hálfu og ljóst að við þurfum að gera betur í næstu leikjum.  Erum í smá basli með leikmenn en það afsakar ekki þá sem eru inni á vellinum hverju sinni.  Orri Gunnars fer að detta inn og fleira að gerast á næstunni þannig að það á mikið eftir að breytast á næstu vikum.
Það er stutt í næsta leik sem verður í Úlfarsárdalnum á fimmtudag kl. 19:00, (ef veður leyfir).
Sjáumst þá.

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email