Orri gegn KA III vefur

Tap gegn Þór á Akureyri í dag

Ingiberg Ólafur JónssonÞað var ljómandi veður á Akureyri í dag þegar við FRAMarasr mættum þar til leiks aðra helgina í röð.  Nú var röðin kominn að því að mæta Þór á þeirra heimavelli, völlurinn ekki góður,  á því miður talsvert í land af eðlilegur ástæðum.
Það var ekki völlurinn sem olli því að við voru tveimur mörkum undir eftir 18 mín leik.  Það var bara eins og í síðasta leik við mættum einfaldlega ekki klárir til leiks. Þórsarar voru mjög frískir og við hreinlega á hælunum og gerðum okkur seka um slæm misstök sem kostuðu því miður mikið í dag.  Við náðum samt að rétta okkar hlut á 28 mín þegar Eyþór Helgi gerði magnað mark af löngu færi. Eyþór á eftir að setja nokkur í sumar, hann er heitur.   En því miður náðum við ekki að fylgja þessu marki eftir og fengum á okkur mark á 39 mín, flott mark en við ekki nógu vakandi.  Staðan í hálfleik 3-1.  Það er aldrei gott að fara til hálfleiks með svona stöðu og ljóst að við yrðum að eiga gríðarlega góðan seinni hálfleik til að ná að snúa leiknum okkur í hag.
Við byrjuðum vel í síðari hálfleik og liðið að leika vel, settum mark strax á 50 mín og staðan orðin 3-2, það var ingiberg sem gerði marki með skalla.  Við miklu betri í leiknum og líklegir til að jafna. En þá fengum við á okkur mark og það var eiginlega þarna sem leikurinn kláraðist því miður.   Við skoruðum á 77 mín þegar Ingiberg Ólafur stangaði boltann í netið öðru sinni og staðan 4-3. Við reyndum allt sem við gátum til að jafna en það fer mikil orka í það að vinna upp svona forskot og því miður náðum við ekki að klára þetta í dag. Lokatölur 4-3 tap.  Leikurinn var stórskemmtilegur og mörg mörk en því miður náðum við engu út úr leiknum, þurfum að gera betur í næstu leik.
Það er bullandi karakter í þessu liði okkar, þurfum að laga varnarleikinn aðeins og þá er okkur allir vegir færir.  Ég hef trú á því að við gerum það í næstu leikjum og ég hef mikla i trú á strákunum okkar.

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email