3.fl.ka. allir

3. fl.karla sigraði á Barcelona summer cup

eldri3. ka. yngriStrákarnir okkar í 3. fl. karla hafa síðast liðna viku dvalið við æfingar og keppni suður á Spáni.  Strákarnir hafa síðustu daga keppt á móti sem haldið er á svæðinu „Barcelona summer cup“.  Þar sendum við tvö lið til keppni yngra og eldra lið. Í eldra liðinu eru drengir fæddir 1999 og í því yngra drengir fæddir 2000.  Leikið var í tveimur 6 liða riðlum og spilað nokkuð stíft 2-3 leikir á dag þegar mest lét.  Strákarnir stóðu sig mjög vel og eldra liði vann alla leiki sína í riðlinum og yngra liði endaði í öðru sæti í sínum riðli eftir mikla baráttu.  Liðin léku svo í undanúrslitum og unnu bæði sína leiki.  Í úrslitaleikjunum var eins og gefur að skilja mikil spenna og strákarnir löguð allt sem þeir áttu í þá leiki.  Eldra liðið lék gegn liði fá Bretlandi FC Bray og endaði leikurinn 2-2 eftir venjulegan leiktíma, því þurftu strákarnir að fara í vítaspyrnukeppni, þar höfðum við betur og sigur á mótinu staðreynd.  Yngra liði lék til úrslita gegn liði frá Canada, North York Cosmos og það er skemmst frá því að segja að okkar drengir sigruðu í leiknum 3-2 og sigur á mótinu staðreynd.  Strákarnir voru hrikalega flottir í þessu móti og voru að spila vel.  Helgi Guðjónsson varð markakóngur mótsins setti 15 mörk sem verður að teljast ansi gott.  Strákarnir og allir á staðnum eru alsælir með ferðina, búið að bralla margt en núna er hópurinn á heimleið. Þeir sem vilja skoða meira um móti geta kíkt á þessa slóð http://www.barcelonasummercup.com/results
Eins er fullt af myndum og umfjöllun um leiki á facebook síðu hópsins „3. flokkur Fram  karla 2014-2015“
Til hamingju strákar, þið eruð flottastir.

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email