Það var aftur ljómandi fótbolta veður á nesinu þegar FRAM stelpurnar mættu á svæðið aðeins degi á eftir strákunum. Völlurinn skartaði sínu fegursta og sá ekki á honum eftir leikinn í gær.
Leikurinn í gær einkenndist af baráttu og greinilegt að liðin eru mjög áþekk að getu. Liðin léku bæði til sigurs en þó var ákveðin varfærni í okkar leik. Við sóttum samt töluvert í fyrri hálfleik en náðum ekki að setja mark, 0-0 í hálfleik.
Síðari hálfleikur var betri af okkar hálfu og hefðum átt að setja mark en fengum í staðinn á okkur mark á 67 mín. Við reyndum hvað við gátum að jafna leikinn og hefðum átt að fá meira fyrir okkar snúð en lokatölur 1-0, tap.
Það var súrt að tapa þessum leik en mörkin telja. Næsti leikur er á miðvikudag gegn Fjölni á grasi í Safamýrinni. Sjáumst á miðvikudag.
ÁFRAM FRAM
P.s Þið afsakið hvað þetta kemur seint inn en fréttaritari var á þvælingi og komst ekki í samband við netið.