Góð vefur

Tap gegn FH í Kaplakrika

Guðrún ÓÞað var ljómandi fótboltaveður og vallaraðstæður góðar þegar við mættum FH í sannkölluðum toppleik í Kaplakrika í kvöld. Stelpurnar með jafn mörg stig og FH, liðin í 2-3 sæti.  Það var því mikilvægt að ná góðum úrslitum úr þessum erfiða útileik.
Eins og oft áður byrjuðum við leikinn vel en fengum samt á okkur mark á 12 mín. sem var dálítð erfitt að sætta sig við.  Andstæðingarnir með gott lið en við höfðum í fullu tré við þær hafnfirsku. Við börðumst eins og ljón það sem eftir lifði hálfleiks en allt kom fyrir ekki, staðan í hálfleik 1-0.
Við mættu vel stemmdar til síðari hálfleiks en eins og í þeim fyrri skilaði það okkur ekki marki heldur fengum við á okkur mark á 63 mín. staðan orðin 2-0.   Það var því ekkert annað að gera en að blása til sóknar og láta reyna á andstæðinginn til þrautar. Við fengum vissulega færin en náðum ekki að nýta þau og undir blá lokinn eða 93 mín. fengum við á okkur mark, lokatölur í kvöld 3-0 tap.  Það þýðir ekkert að svekkja sig yfir þessum úrslitum, við stóðum okkur vel í þessum leik og þurfum að halda áfram að byggja ofan á það sem við höfum verið að sýna í síðustu leikjum.  Næsti leikur er á heimavelli gegn toppliði Grindavíkur,  það verður hörkuleikur í Úlfargryfjunni, sjáumst þá.

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email