Þetta tekur engan enda, það er bara blíða í Úlfargryfjunni leik eftir leik, eitthvað sem við FRAMarar eigum eftir að venjast. Búið að vökva völlinn og allir klárir í slaginn þegar við mættum toppliði Grindavíkur. Hefðum samt mátt vera fleiri sem mættum á þetta flotta leik ! Stelpurnar eiga það skilið !
Stelpurnar mættum mjög vel stemmdar til leiks í kvöld, eins og undanfarna leiki, það hefur verið gott gengi á liðinu og mér finnst eins og liðið sé að verða þéttara og samstilltara. Við erum að verða betra lið, það er klárt. Við byrðjuðum leikinn vel í kvöld allir leikmenn að skila góðri vinnu sem skilaði góðu marki á 21 mín. þegar Lejla Cardaklija þrumaði knettinum í netið eftir góða sókn. Flott mark hjá okkar stúlkum. Grindjánur náðu svo að jafna stuttu seinna eða á 30 mín. eftir góða sókn en pínu klaufalegt af okkar hálfu, staðan í hálfleik 1-1.
Það var boðið upp á hörkuleik í síðari hálfleik, bæði liðin reyndu að sækja sigur en ekkert mark var skorað og því urðu lokatölur í kvöld 1-1. Leikurinn var skemmtilegur og sennilega hefðu þau bæði verðskuldað sigur en jafntefli var niðurstaðan. Við hefðum þurft að ná sigri í þessum leik til að blanda okkur sterkara í toppbaráttuna en núna er bara að horfa á næstu leiki og klára þá með sóma. Við eigum enn góðan séns á því að komast í úrslitakeppnina en til þess þurfum við að kára okkar leiki. Næsti leikur er ekki fyrr en í ágúst sjáumst þá.
ÁFRAM FRAM