drengir vefur

FRAM sigur á Reykjavíkurmótinu í kvöld

lulliGulli og HalliVið FRAMarar lékum í kvöld við Val á Reykjavíkurmótinu í handbolta karla, leikið var í Safamýri.  Eins og fyrri leikir okkar í mótinu fer þessi ekki í neinar sögubækur nema kannski fyrir það að annar dómarinn þurfti að fara af velli vegna veikinda. BBB  hljóp í skarðið og kláraði leikinn með sóma.
Liðin í kvöld voru að mestu skipuð leikmönnum sem hafa ekki leikið mikið að undanförnu og gaman að sjá suma af okkar ungu leikmönnum fá alvöruleik.   Við byrjuðum leikinn í kvöld vel og náðum strax yfirhöndinn, vorum yfir allan fyrri hálfleikinn, mestur var munurinn 14-7 að mig minnir.  Leikurinn jafnaðist aðeins fyrir hálfleik, staðan í hálfleik 18-13.
Síðari hálfleikur byrjaði vel og við héldum 5-6 marka forskoti lengi framan af hálfleiknum, þá fórum við aðeins fram úr okkur og Valur náði að jafna leikinn.  En þá spýttum við aðeins í, Gulli þjálfari kom í vörnina og Halli Þorvarðar í sóknina þótt lítið gagn væri af kappanum, gerði ekki mark.  Lokatölur öruggur sigur,  31 -26.  Eins og áður sagði vantaði marga í bæði liðin og margir ungir leikmenn að spila mikið, hjá okkur lék Lúðvík Bergmann best en hann setti ein 12-13 mörk, mörg alveg ljómandi falleg. Flottur leikur hjá drengnum, vill sjá meira af þessu hjá honum,  Þorsteinn Gauti var svo með 6 mörk en aðrir minna.
Næstu leikir okkar verða í Ragnarsmótinu á Selfossi, gegn Val á miðvikudag, Selfoss á föstudag og Haukur á laugardag. Sjáumst fyrir austan.

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email