Það hefur varla farið fram hjá neinum handbolta áhugamanni að landslið Íslands U-19 hefur verið að spila gríðarlega vel í sumar. Við FRAMarar er gríðarlega stoltir af því að eiga tvo leikmenn sem hafa spilað stór hlutverk í þessu landsliði Íslands U-19 en það eru þeir Arnar Freyr Arnarsson og Óðinn Þór Ríkharðsson. Arnar Freyr leikur sem línumaður og leikur stórt hlutverk í varnarleik liðsins, Óðinn Þór leikur í stöðu hægri hornamanns og hefur verið iðinn við að skora, varð næst markahæstur á HM en drengurinn setti 65 mörk á mótinu. Óðinn var svo í mótslok valinn í úrvalslið mótsins og óskum við honum til hamingju með þann mikla heiður. Arnar Freyr er uppalinn í FRAM en Óðinn gekk til liðs við FRAM í sumar frá HK. Það verður spennandi að fylgjast með þessum strákum í vetur og á næstu árum því báðir eru þeir mikið efni.
Við FRAMarar óskum strákunum í U-19 innilega til hamingju með árangurinn á HM og þá sérstaklega okkar leikmönnum þeim Arnari og Óðni.
Til hamingju strákar.
ÁFRAM FRAM