Það var áfram blíða í Úlfarsárdalnum í dag þegar stelpurnar okkar mættu HK/Víkingi í 8 liða úrslitum, um sæti í efstu deild að ári. Þetta var fyrri leikur liðanna en seinni leikurinn verður á þriðjudag í Víkinni. Það lið sem hefur betra vinningshlutfall eftir þessa tvo leiki fer áfram í 4 liða úrslit osfv.
Það var góð mæting á leikinn og skemmtilegt að sjá hvað það eru margir sem mæta á leik kvenna liðsins.
Leikurinn í dag var ágætur, stelpurnar mættu frískar til leiks og greinilegt að þær ætluðu að leggja allt í þennan leik. Það var samt ljóst að við værum að spila við nokkuð gott lið og því var á brattan að sækja. Við náðum ekki að skapa mörg færi í fyrri hálfleik en börðumst vel. Við fengum á okkur mark eftir misstök í vörninni, leiðinlegt að fá á sig svona mark eftir að hafa varist vel. Staðan í hálfleik var 0-1. Við héldum uppteknum hætti í síðari hálfleik, létum finna fyrir okkur og það fór í skapið á Víkingsstelpum. Við náðum ekki að skapa mörg færi þessum hálfleik heldur, en vörðumst vel. Við fengum á okkur annað mark á 59 mín. eftir að Lucy hafði varið boltann í stöng. Við reyndum hvað við gátum að minnka muninn vitandi að það gæti skipt máli í síðari leiknum en það gekk ekki í dag, lokatölur 0 – 2 tap. Við verðum að mæta algjörlega brjálaðar í leikinn á þriðjudag þá er allt undir og það er enn möguleiki á því að komast lengra í þessari keppni. Sjáumst á þriðjudag í Víkinni.
ÁFRAM FRAM