Ragnarsmótsmeistarar 2015 vefur

Mfl. kvenna sigraði á Ragnarsmótinu á Selfossi

Ragnarsmótsmeistarar 2015

Meistaraflokkur kvenna tók þátt í Ragnarsmótinu á Selfossi fyrir og nú um helgina.  FRAM var í riðli með Selfoss og FH en í hinum riðli mótsins voru lið Gróttu, ÍBV og HK.

Á fimmtudagskvöldið lék FRAM við lið heimakvenna í Selfossi.  Þar var um jafnan og spennandi leik að ræða fram á síðustu mínútu, þar sem FRAM hafði betur 30 – 29 eftir að Selfoss misnotaði víti á lokasekúntunum.  Mörk FRAM skorðuðu; Ragnheiður 13, Hildur 6, Ásta 3, Elísabet 2, Hekla 2, Hafdís 2 og Elva 2.

Á föstudagskvöldið þá lék FRAM við FH.  FRAM náði fljótt nokkru frumkvæði í leiknum og leiddi með   3 – 4 mörkum.  Sá munur hélst út leikinn að mestu.  FRAM sigraði 22 – 18 eftir að hafa verið yfir 13 – 9 í hálfleik.  Mörk FRAM skoruðu; Ragnheiður 5, Hafdís 3, Hildur 3, Íris 2, Elísabet 2, Hekla 1, Marthe 1, Ásta 1, Sigurbjörg 1, Elva 1, Kristín 1 og Hulda 1.
Í gær laugardag, var síðan leikið til úrslita við lið Gróttu sem hafði unnið HK og gert jafntefli við ÍBV.  FRAM byrjaði ekki vel.  Lenti strax 0 – 3 undir og var einu marki undir í hálfleik 6 – 7.  Í seinni hálfleik náði FRAM hins vegar fljótlega yfirhöndinni og var komið þremur mörkum yfir um miðjan hálfleikinn.  Munurinn jókst svo til loka leiks sem endaði með öruggum sigri FRAM 19 – 13.  Mörk FRAM skoruðu; Elísabet 4, Ragnheiður 3, Hildur 3, Íris 2, Ásta 2, Elva 2, Hafdís 1, Hekla 1 og Hulda 1.

Ágætis æfingamót sem fór í að prófa hluti og sjá hvar liðið stendur gagnvart öðrum liðum í deildinni.  Í lok móts voru ýmsar viðurkenningar veittar og féllu tvær í skaut FRAM.  Guðrún Ósk var valinn besti markvörðurinn og Hildur var valinn besti sóknarmaðurinn.  Mótið í heild góður undirbúningur fyrir deildarkeppnina sem hefst á laugardaginn eftir viku með heimaleik gegn fyrnasterku liði ÍBV. Í lokin ber sérstaklega að geta frammistöðu Steinunnar Björnsdóttur, sem stóð sig frábærlega í hlutverki, aðstoðarþjálfara, sjúkraþjálfara og liðsstjóra um helgina.

ÁFRAM FRAM

 

Share this post

Share on facebook
Share on twitter
Share on linkedin
Share on pinterest
Share on email