Óli Ægirs vefur

Tap á heimavelli í kvöld

Siggi gegn ValiArnar FreyrÞað var boðið upp á Reykjavíkur slag í FRAMhúsinu í kvöld þegar við mættum nágrönnum okkar af Hlíðarenda. Það var ekki nógu vel mætt af okkar fólki, við þurfum að gera betur og láta heyra betur í okkur.  FRAMarar koma svo…
Leikurinn byrjaði ferkar hægt og lítið skorað til að byrja með, liðin aðeins að fikra sig áfram og staðan 3-3 eftir 11 mín. leik.  Þá tókum við öll völd á vellinum vörnin fór að virka vel og við fengum mörk úr hröðum upphlaupum ásamt því að sóknarleikurinn gekk betur.  Staðan eftir 20 mín. 8-5, við náðum mest 5 marka forskoti í stöðunni 11-6/12-7 eftir c.a 25 mín.  Náðum samt ekki alveg að halda hálfleikinn út og staðan í hálfleik 12-9, fyrir okkar menn.  Við vorum pínu klaufar að gera ekki betur því við vorum mun betri í hálfleiknum og hefðum getað farið með stærra forskot til hálfleiks.
Við byrjuðum síðari hálfleikinn ekki nógu vel, eins og við ætluðum aðeins að slaka á og reyna að hægja á leiknum, það virkaði hreinlega ekki.  Valsmenn gengu á lagið og voru búnir að jafna eftir c.a 8 mín.  Staðan eftir 40 mín.  14-13.  Leikurinn var svo jafn næstu 10 mín. eða svo,  við heldur að elta frekar en hitt, staðan eftir 50 mín.  18-18.  Við heldum jafnri stöðu fram á 55 mín en þá voru andstæðingarnir hreinlega klókari en við og lönduðu góðum sigri.  Við spiluðum ekki vel í síðari hálfleik og gerðum of mikið að misstökum til þess að vinna í kvöld.  Við vorum klaufar sóknarlega og héldum ekki skipulaginu varnarlega ekki nógu vel, stóðum vörnina oft vel en létum samt skora hjá okkur. Það skrifast á algert einbeytingarleysi, leikmenn að hlaupa út stöðum eða reyna að blokka skot  í stað þess að brjóta. Það þarf að klára svona stöður og vinna boltann. Lokatölur í dag 22-25 tap.
Við getum klárlega gert betur  þó margt hafi verið gott, við þurfum að fá fullt framlag frá öllum leikmönnum í svona leikjum en það var því miður ekki í dag, of margir ekki að spila nógu  vel í dag.  Það er enginn ástæða til að vera í fýlu eða að svekkja sig, þetta er flott lið sem við eigum en við þurfum að spíta aðeins í lófanna og stilla spennuna. Við getum betur og það er gott að vita. Næsti leikur er á mánudag og þá gegn Haukum í Hafnarfirði . Engilega látið sjá ykkur, það verður hörkuleikur, lofa því. Handbolti er nefnilega skemmtilegur.  Sjáumst á mánudag.

ÁFRAM FRAM

Share this post

Share on facebook
Share on twitter
Share on linkedin
Share on pinterest
Share on email