Vefur

Öruggur FRAM sigur á Fjölni í Olísdeild kvenna

IMG_3187

Meistaraflokkur hélt í Grafarvoginn í kvöld til að leika við nýliða Fjölnis sem eru undir stjórn Andrésar Gunnlaugssonar sem þjálfaði Fram þegar reyndustu leikmenn Fram voru að stíga sín fyrstu spor í meistaraflokki.

Leikurinn byrjaði fjörlega og Fram náði strax góðri forustu.  Um miðjan hálfleikinn var staðan orðin 6 – 14 Fram í vil.  Í hálfleik var staðan 8 – 20.  Fram búið að fá mikið af hraðaupphlaupum eftir að hafa unnið boltann í vörn.

Seinni hálfleikurinn varð svipaður þeim fyrri.  Fram að spila fína vörn og fengu því mikið af hraðaupphlaupum.  Einnig var tekin hröð miðja í hvert skipti sem hægt var.  Munurinn hélst áfram að aukast og varð 19 mörk upp úr miðjum hálfleiknum  Eftir það róaðist leikurinn og leiknum lauk með öruggum sigri Fram 19 – 38.

Fínn leikur hjá Fram.  Fín vörn.  Fín markvarsla.  Mikið af hraðaupphlaupum og hraðri miðju.  Sóknin gekk einnig vel þegar stillt var upp í sókn. Það komu allir leikmenn Fram við sögu í leiknum og voru tilbúnir þegar þeir komu inná.

Mörk Fram skoruðu:  Ásta Birna 6, Ragnheiður 5, Elva Þóra 5, Hafdís 4, Hekla 4, Hulda 4, Marthe 3, Hildur 3, Sigurbjörg 2, Íris 1 og Elísabet 1.
Guðrún Ósk var í markinu í 40 mínútur og varði 16 skot.  Hafdís Lilja stóð í markinu síðustu 20 mínúturnar og varði 3 skot.
Flottur sigur í góðum leik.
Nú er bara að fylgja þessu eftir í næsta leik sem er á móti Selfoss á heimavelli á föstudaginn 2. október, kl. 20:00

Áfram FRAM

 

Share this post

Share on facebook
Share on twitter
Share on linkedin
Share on pinterest
Share on email